Këtë radhë para jush keni një tekst historik që mban firmën e një shkencëtareje turke që analizon historinë e vuajtjeve dhe kalvarit të përjetuar nga shqiptarët në një momentum historik kur një Perandori (ajo osmane) po jepte shpirt dhe nga ana tjetër në skenë po dilnin shtetet e reja që nga njëra anë qëronin hesapet mes vete, e nga ana tjetër shprehnin një urrejtje të paparë ndaj gjithçkaje myslimane. Kjo vepër e bazuar në burime relevante arkivore, raportime gazetash ndërkombëtare të kohës, në publikime të autorëve me famë si Jelavich, Glenny, Judah, Hall, por edhe në teza akademike të mbrojtura viteve të fundit, tregon për një kapitull të zymtë të së kaluarës sonë në Ballkanin e lotëve, tymit, gjakut dhe migrimeve, të gjenocideve që shqiptarët i kanë përjetuar në periudhë e pas Pax Ottomana-s (Paqës Osmane), kur kjo gjeografi humbi stabilitetin e vet në të gjitha sferat dhe s'po e merr dot veten deri në ditë të sodit.LOGOS A9786082761060Özkan gjithnjë me fakte shpalos të vërtetën se aktori kryesor i terrorit të ushtruar ndaj popullatës autoktone myslimane dhe shqiptare është shteti serb me makinerinë e vet militare, që përmes bëmave kriminale dhe antihumane të veta nga Luftërat Ballkanike deri te ato të viteve 1990 i "ka garantuar vend vetes në faqet e zeza të historisë moderne të Ballkanit dhe Europës. Ky punim na jep një leksion mbi të kaluarën nga e cila, sikur që thotë poeti me prejardhje shqiptare Ersoj, "nëse nuk mësojmë, na përsëritet". Pra, paqen duhet pasur ideal, për të duhet punuar pandërprerë, por gjithnjë duhet pasur parasysh edhe dimensionin e të djeshmes, që është bazament edhe i të sotmes dhe i të së ardhmes. Humanizmi dhe filantropia janë fjalët që i mungojnë këtij gadishulli ku frymojnë etni e fe të shumta që nga antika deri më sot. Në tokë dhe në Ballkan vend dhe të mira ka për të gjithë. Nevojitet vetëm më tepër (mirë)besim, ndërgjegje, frymë tolerance dhe respekti ndaj "tjetrit" kushdoqoftë ai.

Lista e librave të autorit AYSE OZKAN

KRIMET E SERBISE

KRIMET E SERBISE