Rregullat për suksesin e përqendruar në një botë të shpërqendruar 
Një nga aftësitë më të vlefshme në ekonominë tonë është duke u bërë jashtëzakonisht e rrallë.

“Puna e thellë” është aftësia për t’u përqendruar pa u shpërqendruar te një detyrë me kërkesa të larta kognitive. E krijuar nga autori në blog-un e tij të mirënjohur Hilet e studimit, puna e thellë do t’ju bëjë më të zotë tek ajo që ju bëni, do t’ju lejojë të arrini më shumë brenda më pak kohe dhe do t’ju sigurojë ndjesinë e përmbushjes së vërtetë që vjen nga zotërimi i një aftësie. Shkurtimisht, puna e thellë është si një superfuqi në ekonominë tonë, që bëhet dita-ditës më konkurruese.

E, megjithatë, shumica e njerëzve – qofshin ata punonjës njohurish në zyra të zhurmshme me plan të hapur apo krijues që stërmundohen për ta qartësuar vizionin e tyre – e kanë humbur aftësinë e tyre për të hyrë thellë, duke e shpenzuar në të kundërt kohën e tyre me një turbullirë të furishme mesazhesh të postës elektronike dhe me median shoqërore, duke mos e kuptuar madje se ekziston një mënyrë më e mirë.

Një përzierje e kritikës kulturore dhe këshillës për veprim, Puna e thellë do t’ia tregojë rrugën çdokujt që po kërkon suksesin e përqendruar në një botë të shpërqendruar.

Puna E Thelle

“Të ndjekësh pasionin tënd”, është një këshillë e keqe për karrierën tuaj. Zbuloni se çfarë nevojitet të bëni në vend të kësaj këshille... 
Në librin 'Aq i/e mirë sa s’të shpërfillin dot', Cal Newport rreket ta zbulojë pikërisht realitetin në lidhje me arsyet përse njerëzit e bëjnë me ëndje punën e tyre. Duke kaluar një kohë të caktuar me fermerët e bujqësisë organike, me investuesit largpamës, me skenaristë të ndryshëm, programues freelance dhe plot të tjerë që pohojnë haptas se e bëjnë me kënaqësi të veçantë punën e tyre, Newport ka arritur ta zhbëjë bindjen jetëgjatë që mbështet idenë se “të ndjekësh pasionin tënd” është çelësi për t’u ndier të kënaqur.

Duke u mbështetur në këta shembuj nga jeta e vërtetë dhe nga shkenca e fjalës së fundit, ai ka shtjelluar strategjitë alternative që janë shumë më të frytshme në zhvillimin e një karriere të suksesshme.

'Aq i/e mirë sa s’të shpërfillin dot' u kushtohet të gjithë atyre njerëzve që ndihen në ankth lidhur me udhën që duhet ta ndjekin në jetën e tyre, ose që thjesht janë ligështuar nga sloganet e cekëta të llojit “bëj çfarë të pëlqen me gjithë zemër dhe të hollat do të rrjedhin lumë”. Ky libër ka për ta ndryshuar mënyrën si mendoni për karrierën, lumturinë dhe krijimin e kushteve për një jetë madhështore.

“Mos u shqetësoni më për çfarë keni ëndje të bëni dhe, përkundrazi, filloni të krijoni diçka kuptimplotë, të cilën pastaj do t’ia jepni botës. Cal ka bërë pikërisht një dhuratë të tillë me këtë libër.”
Seth Godin, autor i Linchpin.

Lista e librave të autorit Cal Newport

Puna E Thelle

Aq e Mire Sa S'te Shperfillin Dot

Puna E Thelle

Aq e Mire Sa S'te Shperfillin Dot