Në librin e tij "Një qytet për të gjithë", Enrique Peñalosa Londoño ndan përvojën e tij si kryetar i bashkisë së Bogotásë, Kolumbi, si dhe atë të shumë viteve sí konsulent dhe lektor ndërkombëtar mbi çështje me të cilat përballen sot qytetet në zhvillim, veçanërisht në transportin e qëndrueshëm publik dhe hapësirat publike. Punën si kryetar i Bogotásë, Peñalosa Londoño e nisi me zhvillimin e Sistemit të Autobusëve të Shpejtë TransMilenio, një nga më të mëdhenjtë me të cilin lëvizin çdo ditë pa dallim të gjithë banorët e këtij qyteti të madh, i cili transporton 2.5 milionë pasagjerë në ditë përgjatë korsive të dedikuara, si ato për biçikleta dhe linjave të metrosë. Ky sistem u shërben të gjitha shtresave të popullsisë, pavarësisht mundësive të tyre fizike apo financiare. Njëherësh, përpjekjet e Peñalosa Londoño për krijimin e sa më shumë hapësirave publike kanë qenë objekt i synimeve të tij përgjatë dy mandateve, ku u ndërtuan dhe u përmirësuan më shumë se një mijë parqe publike. Në thelb të politikave të tij ishte bindja se si duhet të jenë qytetet, filozofi kjo humaniste mbi urbanizimin e qyteteve, për t'u shërbyer të gjithë qytetarëve pa dallim. Për Peñalosa Londoño, projektimi i qytetit nuk është thjesht ndërtim teknik: synimi i tij është lumturia, dinjiteti dhe barazia midis banorëve. "Një qytet i zhvilluar nuk është ai ku të varfrit kanë makina, por ai ku të pasurit përdorin transportin publik", thekson autori."Një qytet për të gjithë" përcakton kritere praktike në të konceptuarit dhe të ndërtuarit ndryshe të jetesës në qytete të mëdha, në shërbim të banorëve të tij. Autori përshkruan pengesat me të cilat duhet të përballemi, si dhe mundësitë që kemi për t'ia dalë.

Lista e librave të autorit ENRIQUE PENALOSA LONDONO

NJE QYTET PER TE GJITHE

NJE QYTET PER TE GJITHE