Na ishte seç na ishte, na ishte njëherë një principatë e mrekullueshme, ku njerëzit, kafshët, zanat e malit dhe nimfat e ujit jetonin të lumtur e në harmoni me natyrën! Ushtri të shumta ishin përpjekur ta pushtonin, por nuk ia kishin dalë mbanë, pasi kjo principatë fshihte një sekret në bjeshkët e saj. Por një ditë, një pasha i lig do të arrinte ta sundonte, duke e kthyer në një vend të trishtë. Në këtë principatë jetonte një vashëz e bukur, e cila dikur kish shpëtuar një dre të porsalindur. Zanat e kishin pagëzuar me bukuri përrallore. Po aq të bukur, ajo kishte edhe zemrën. Mes aventurash e peripecish, vashëza së bashku me drerin, do t’iu rikthenin banorëve lirinë, diellin dhe shpresën. Për të zbuluar sekretin që fshihet në bjeshkët e këtij vendi magjik, ju ftoj të udhëtojmë së bashku në përrallën e Perlës dhe drerit të saj.  Me dashuri nga Elia.

PERLA DHE DRERI I ARTE

Na ishte seç na ishte… Na ishte njëherë, në një mbretëri të largët dhe të bukur, një konteshëz e vogël me flokë të artë që fliste gjuhën e trëndafilave! Kjo konteshëz e vogël, një ditë do të bënte një udhëtim magjik në Vendin e Shqiponjave… Gjashtë princesha misterioze do ta prisnin plot dashuri dhe ajo, duke ecur në majë të gishtave mbi fillin e fatit të saj të parashkruar, do rrëmbente zemrën e një mbreti të vetmuar… Princesha e kesaj përralle, fëmijë të dashur, është ndryshe nga të gjitha princeshat e tjera të përrallave, pasi ajo ka jetuar vërtet në vendin tonë afro një shekull më parë. Emrin e kishte Geraldina, por ishte aq e mirë dhe aq e bukur, sa të gjithë e thërrisnin Trëndafili i Bardhë. Sa shumë do ta donte këtë vend të panjohur plot tradita dhe kapuçë të bardhë, ju ftoj ta zbulojmë së bashku në përrallën e jetuar të Trëndafilit tonë..

Lista e librave të autorit Elia Zaharia

PERLA DHE DRERI I ARTE

Trendafili I Bardhe

PERLA DHE DRERI I ARTE

Trendafili I Bardhe