Problemi nuk është sa pret, por kë pret. Zgjimi, kafeja, tramvaji, zyra, palestra, pica-kinemaja-shtrati (nëse është me fat, jo vetëm)...

Fabio Volo’s 'Edhe nje dite me shume' is a celebration of life’s simple pleasures and the daily moments that shape our existence. The novel follows a protagonist who is at a crossroads in life, dealing with uncertainty, relationships, and the search for purpose. Volo explores the themes of personal transformation, love, and the realization that life’s most profound moments often come when we least expect them. The narrative is a journey of self-acceptance and discovering what it truly means to live in the present.

Edhe nje dite me shume

Një udhëtim plot ngjarje, situata gazmore të papritura dhe çaste të bukura, që ndonjëherë, teksa fokusohemi të bëjmë atë që të tjerët
presin nga ne, i humbasim. Një udhëtim që do ta zhvendosë një burrë nga detyra
te dëshira, nga mendimi te ndjenja, nga ndrojtja te dhembshuria.
Dy miq, udhëtojnë nëpër Itali me një makinë të kuqe: dëgjojnë muzikë, këndojnë,
qeshin e zihen me njëri-tjetrin.
Janë rreth të dyzetave dhe jetët e tyre janë ende pezull. Andrea pret një
vendim nga i cili varet historia e tij e dashurisë. Paolo është në krizë: si
çift, si identitet, si burrë i moshës së mesme.
Makina me të cilën udhëtojnë është një spider i vjetër “Fiat 850”. Babait të
Paolos i ishte dashur ta shiste për nevojat e familjes dhe për këtë ndihej ende
keq. Kështu, Paolo vendos t’ia kthejë atë dhe ta befasojë. Ndërsa udhëtojnë nga
Pulia për në Milano, Paoloja dhe Andrea flasin haptazi si dy miq të mirë për
dashurinë, punën, prindërit. Të gjitha problemet që dikur dukeshin të
pazgjidhshme, zbehen nën dritën e një ironie të lehtë.

Libra të tjerë nga Fabio Volo, botuar nga shtëpia botuese “Dudaj”: “Edhe
një ditë më shumë”, “Një vend në botë”, “Koha që do të doja”, “Rruga për në
shtëpi”, “Regëtimat e dritës së mëngjesit”, “E gjitha jetë”, “Përtej kufijve”,
“Një dëshirë e madhe për të jetuar”.

NJE JETE E RE

“Të zgjohesh një mëngjes dhe të mos dish nëse e do ende gruan që ke pranë, gruan me të cilën ke ndërtuar një familje, një jetë. Nuk qe ndonjë ngjarje, ndonjë situatë, ndonjë tradhti që ju largoi. Ndodhi pa shpërthim, në heshtje, ngadalë, me hapa të vegjël dhe të paparashikueshëm. Një ditë, duke parë drejt njëri- tjetrit, u gjendët në anët e kundërta të dhomës. Dhe qe e vështirë edhe ta besonit.” Ajo e Markos dhe Anës dukej si një dashuri që ishte në gjendje t’i mbante premtimet. Por tanimë Markos nuk i kujtohet se cila qe mbrëmja e parë kur nuk e ndezën muzikën, kur nuk e hapën shishen e verës. Mbrëmjen e parë kur, nga lodhja, nuk e përkëdheli. Kur bashkëpunimi u shndërrua në garë. Ndoshta dashuria, ashtu si flakët, ka nevojë për oksigjen dhe se, nën një kambanë, ajo shuhet. Ndoshta, thjesht, është gjithçka shumë e ndërlikuar.
Libri i ri i Fabio Volo-s rrëfen për krizën e një çifti dhe udhëtimin e tyre, fizik dhe të brendshëm, për ta përballuar. Një roman i sinqertë, i drejtpërdrejtë, që di të fotografojë zigzaget dhe kontradiktat e vogla të marrëdhënieve tona. Një histori ku mund ta gjesh veten sërish, të emocionohesh dhe të kuptosh nëse ekziston, në njëfarë çasti, një mënyrë e re për të ndenjur.
Kishim gjithçka për të qenë të lumtur, por nuk arrinim të ishim të tillë.
Libra të tjerë nga Fabio Volo: 
Edhe një ditë më shumë
Një vend në botë
Koha që do të doja
Rruga për në shtëpi
Regëtimat e dritës së mëngjesit 
E gjitha jetë
Përtej kufijve.

Nje Deshire E Madhe Per Te Jetuar

Ky libër është rrugëtimi që kryen Lorencoja, një udhëtim në kërkim të vetvetes dhe të ndjenjave të tij, atyre më autentike, atyre më të thella. Libri i ri i Fabio Volo-s është edhe më i ndjeri, më i vërteti; forca e këtij sinqeriteti del në çdo faqe. Gjendesh shpesh duke qeshur në çaste ironie që të rrëmbejnë. Por sidomos gjendesh i emocionuar, mbase i mallëngjyer dhe i çuditur se sa shumë ngjan jeta e Lorencos me atë të secilit prej nesh.

Koha Qe Do Te Doja

Markoja nuk ka zgjedhur kurrë, sepse ka frikë se mos njëra zgjedhje i përjashton gjithë të tjerat. Nuk ia ka vënë veshin kurrë askujt, përveçse vetes. Duket sikur u thotë të gjithëve: "Mund të më doni, por qëndromëni larg." Andrea, vëllai i tij i madh, e ka vendosur menjëherë se si duhej të ishte jeta e tij, i ka bërë gjithnjë gjërat ashtu siç duheshin bërë. Është martuar me Danielën, një grua e përkorë dhe elegante. Së bashku do të mund të ishin të përkryer. Kurse Markoja ka shumë femra, dhe Izabelën. Ajo ka qenë e dashura e tij e parë. Me të ka kaluar netët magjike kur bukuria e zgjat kohën dhe lumturia të shkëput premtime. Por as me të nuk ka arritur kurrë të vendosë, të kuptojë se liria nuk është medoemos mungesë përgjegjësie. Dhe kështu vazhdon të jetojë pa ngarkesë, pa futur kurrë një marsh, pa bërë një zgjedhje. Vetëm se, herë pas here, jeta që ke mbajtur gjithnjë nën kontroll fillon të bjerë pjesë-pjesë. Romani i ri i Fabio Volo-s rrëfen historinë e dy vëllezërve; ngjarjet i detyrojnë të afrohen, ta kuptojnë sërish njëri-tjetrin. Rrëfen gjithashtu një të fshehtë të patregueshme familjare që i ndjek si fantazmë. Rrëfen një histori të madhe dhe të përvuajtur dashurie që përshkon vitet dhe, si të gjitha historitë e mëdha të dashurisë, ka të bëjë me gjërat e shkëlqyera dhe me ato të tmerrshme të jetës. Rrëfen dhimbjen që të thyen më dysh dhe lumturinë që të bën të këndosh duke sajuar fjalët. Na bën për të qeshur, na mallëngjen, na emocionon.

Rruga Per Ne Shtepi

Elena nuk është e kënaqur me jetën e saj. Martesa tërhiqet zvarrë, pa pasion dhe pa asgjë të re. Tashmë i shoqi i është bërë si vëlla.(“Nuk jetojmë bashkë, bashkë ne vrasim kohën. Menduam si budallenj se dy fatkeqësi të bashkuara mund t’i jepnin jetë një lumturie.”) E kishte vendosur që më parë se si duhej të ishte jeta e saj: shkolla që duhej të bënte, universiteti, burri me të cilin duhej të martohej… deri edhe ngjyra e divanit. U bë bashkëshorte para se të bëhej femër. 
Por vjen një çast dhe e ndien se diçka po fillon të kërcasë. Në jetën e saj të përditshme shfaqen pasioni dhe dëshira. Elena kupton se është e mundur edhe një tjetër mënyrë jetese. Ndoshta ajo meriton më shumë. Mjafton vetëm të gjejë kurajën e ta provojë, mbase edhe të gabojë. “Për vite të tëra kam pritur që jeta ime të ndryshonte, por tani e di se ishte jeta që po priste të ndryshoja unë.”

Me këtë roman të ri, Fabio Volo-ja konfirmon dhe nxjerr në pah cilësitë që e kanë bërë aq të dashur për miliona lexues. “Regëtimat e dritës së mëngjesit” është një libër i sinqertë dhe i fortë, që i përballon ndjenjat pa marifete apo perifraza dhe që na vë ballë për ballë me emocionet tona të vërteta.

Regetimat E Drites Se Mengjesit

Sekreti i marrëdhënies në çift nuk është thjesht mbajtja gjallë e dashurisë, por gjetja e ekuilibrit të duhur midis dy personave në të cilët ne shndërrohemi duke jetuar pranë njëri-tjetrit. Ishin aq mirë bashkë, por çfarë ngjau me jetën e tyre? Çfarë u ndodhi dy të mbyllurve në një dhomë hoteli me tabelën “MOS SHQETËSO!” në derë? Ku përfunduan pasioni, bashkëpunimi? Libri i ri i Fabio Volo-s të grish për t’u kredhur i tëri në jetën e përditshme të një çifti, në evolucionin e një dashurie. Tregon krizën që nis me ardhjen në jetë të një fëmije dhe, për më tepër, çfarë ndodh kur diçka e thyen magjinë mes dy të dashuruarve. Dhe sugjeron, hedh hipotezën e një përgjigjeje, kërkon një rrugëdalje. Duket sikur protagonistët e romaneve më të dashur të Volo-s, “Edhe një ditë më shumë” apo “Koha që do të doja”, po përballojnë tanimë periudhën e pas rënies në dashuri, duke marrë përsipër përgjegjësitë dhe kontradiktat e të jetuarit vërtet së bashku. Edhe një herë, Volo na habit me aftësinë e tij të fotografimit dhe emërtimit të ndjenjave, madje edhe të atyre jo fort fisnike, por që, gjithsesi, nuk janë më pak të zakonshme. “E gjitha jetë” është një roman i drejtpërdrejtë, i sinqertë, pa drojë. Duke e lexuar, mund t’ju ndodhë të buzëqeshni apo të prekeni njësoj sikur ta keni përjetuar diçka të tillë në lëkurën tuaj. FABIO VOLO është shkrimtar, aktor, prezantues televiziv dhe radiofonik. Ka publikuar: Po dal për një shëtitje (2001), Kam një jetë që të pres (2003), Një vend në botë (2006), Edhe një ditë më shumë (2007), Koha që do të doja (2009), Regëtimat e dritës së mëngjesit (2011) dhe Rruga drejt shtëpisë (2013), të gjithë të botuar nga Mondadori. Librat e tij janë të përkthyer në shumë vende të botës.

Lista e librave të autorit Fabio Volo

Edhe nje dite me shume

NJE JETE E RE

Nje Deshire E Madhe Per Te Jetuar

Koha Qe Do Te Doja

Rruga Per Ne Shtepi

Regetimat E Drites Se Mengjesit

E Gjitha Jete

Edhe nje dite me shume

NJE JETE E RE

Nje Deshire E Madhe Per Te Jetuar

Koha Qe Do Te Doja

Rruga Per Ne Shtepi

Regetimat E Drites Se Mengjesit

E Gjitha Jete