Botimet IDK sjellin për lexuesin shqiptar një ndër veprat më interesante, “Mesdheu”, të një prej historianëve të shquar francezë, Fernand Braudel.  Fernand Braudel, në bashkëpunim me një tjetër historian të shquar, Georges Duby, si dhe disa studiues të njohur të disiplinave të ndryshme si Roger Arnaldez, Maurice Aymard, Filippo Coarelli, Jean Gaudemet, Piergiorgio Solinas, ka realizuar këtë afresk të shkëlqyer mbi Mesdheun, të kuptuar si hapësirë, si vend gjeografik dhe sidomos si djep i qytetërimeve të mëdha, ku për shekuj me radhë historia e njerëzimit ka shkruar disa nga faqet e saj më emocionuese. Pra, një Mesdhe i parë në një shikim global, përtej kohës, duke nxjerrë në pah, herë pas here, aspektet gjeologjike dhe natyrore të tokës, rëndësinë dhe funksionet e detit, historinë e qytetërimeve hegjemoniste – si ai i Romës – natyrën shpirtërore dhe besimet e popujve, zhvillimin e konceptit të familjes, lëvizjes migruese dhe trashëgiminë e së shkuarës mbi botën tonë të sotme. Libër intrigues, që endet lirshëm mes kujtesës, zakoneve, ambientit, duke u prirë drejt një vizioni të përgjithshëm që e bën Mesdheun një vend unik mbi Tokë. Eksperienca e madhe dhe gjenia e Braudel-it, ia kanë dalë mbanë të sjellin një vepër të papërsëritshme, me një vlerë tepër të madhe kulturore.

Lista e librave të autorit Fernand Braudel

Mesdheu, Hapesira, Historia

Mesdheu, Hapesira, Historia