Në qoftë se do t'ju shtynte kureshtja dhe do të afroheshit ta shihnit këtë shtëpi nga ana e rrugës, do të vini re një derë të madhe me trajta vezake, ku fëmijët kanë shpuar vrima të panumërta. Më vonë mësova se kishte dhjetë vjet që porta e saj nuk ishte hapur asnjëherë. Nëpërmjet këtyre të çarave do mund të shikonit një harmoni të plotë midis fasadës së kopshtit dhe asaj të oborrit. Edhe këtu të bie në sy po ai çrregullim.

Shtepia Misterioze

Romani “Lëkura e shagrenit” rrëfen historinë e një të riu, i cili bleu copën e lëkurës magjike të shagrenit që të përmbushte çdo dëshirë të tij. Por, ndërkohë duke nënvlerësuar këshillën e shitësit, që i ofron atij lëkurën, protagonisti e sheh veten gjatë rrjedhjes së ngjarjeve në situata tepër të paparashikuara. Tema qendrore e romanit “Lëkura e shagrenit” është konflikti midis plotësimit të dëshirave dhe jetëgjatësisë, midis vazhdimësisë së jetës dhe varfërimit të shpirtit të njeriut, veçanërisht kur ai është i fokusuar në blerjen e pushtetit. Para se të përfundonte romanin “Lëkura e shagrenit”, Balzaku botoi fragmente të tij në shtypin parisien të asaj kohe, duke nxitur një interes të jashtëzakonshëm te lexuesit, që i parapriu suksesit pas botimit tē librit, sukses që vazhdon deri në ditët tona. Botimi i romanit “Lëkura e shagrenit” krijoi bindjen e plotë në të gjitha qarqet letrare, se Balzaku ishte një nga shkrimtarët më të rëndësishëm të letërsisë franceze dhe asaj botërore.

Lekura E Shagrenit

Gobseku

Romani Xha Gorioi është vlerësuar si një nga shtyllat mbajtëse të Komedisë njerëzore. Ndonëse ky roman mbyllet me vdekjen e Gorioit, komedia vazhdon. Ky kontrast i fuqishëm nuk gjendet vetëm te kjo vepër, por përbën thelbin e krijimtarisë së tij. Temë kryesore e këtij romani është fati i njeriut në familje dhe në shoqërinë ku jeton. Vetë autori ka thënë, se: ideja e "Komedisë njerëzore" më erdhi nga një krahasim midis njerëzimit dhe kafshërisë. Balzac-u, nëpërmjet vëllimit dhe ritmit të shkrimeve, nëpërmjet konceptimit të gjerë dhe mbarëshoqëror të veprës së tij, arriti që t'i sigurojë vetes admirimin e lexuesve.

Xha Gorioi

Me “Iluzionet e humbura”, Balzaku ka realizuar një tablo monumentale mbi zvetnimin e moralit shoqëror të kohës. Ndoshta më mirë se në çdo roman tjetër të Balzakut, tek “Iluzionet e humbura” konstatohen cilësitë dhe vlerat e një shkrimtari të madh. Historia e Lysienit, një poet i ri i cili përpiqet me dëshpërim që të bëjë emër në metropolin e kulturës, në Paris, është historia brilante e brishtësisë, e guximit dhe e dramës së një njeriu me sjellje provinciale, i gjendur në vorbullën e zhurmës dhe kotësisë aristokratike. Ai është elegant, energjik dhe me aspirata të bukura për poezinë, por tepër naiv… e braktis pasionin duke u bërë viktimë e mënyrës së jetës pariziane. Lysieni mbasi ka njohur shumë detaje të jetës metropolitane, përfundimisht mëson se talenti nuk vlen për asgjë, dhe se janë paaftësia dhe intrigat ato që lëvizin gjithçka dhe garantojnë financa në jetë.

Iluzionet E Humbura

Gobseck

Ky roman është një poemë vuajtjeje që e bën lexuesin të mallëngjehet me historinë e vajtueshme të Pjeretës së vogël. Këtë heroinë autori na e paraqet si një viktimë të njerëzve shpirtlig të shoqërisë borgjeze, të cilët, këndej; për të kënaqur ambicien dhe interesin vetjak shfrytëzojnë të gjitha mjetet, kurdisin intriga dhe i japin shkelmin çdo pengese –qoftë kjo pengesë një vajzë e vogël dhe pa mbrojtje, të cilën disa e munduan hapur (si zonjusha Rogon) disa punuan nën dhé kundër saj (si avokati Vine) dhe nuk reshtën gjersa e shpunë atje ku synuan. Në parathënien e "Komedisë njerëzore" Balzaku e ka përmendur Pjeretën në radhë të pare në listën e heronjve të tij pozitive. Romani " Pjereta "zë një vend me rëndësi në krijimtarinë e Balzakut se është i vetmi roman në të cilin autori nxjerr në pah dy héronj të varfër (Pjereta dhe Brigoi) por që janë të pasur në ndjenja e të pajisur me tipare të bukura morale: në zemrat e tyre të delira rritet e lulëzon mirësia dhe dashuria pa interes.

Pjereta

Në këtë vepër Balzaku trajton një temë me tematikë shoqërore që prek shtresat e ulëta të popullsisë që si gjithmonë lidershipit shtetëror dhe aristokracisë nuk interesohen fare për to . Ngjarja vendoset në "Pensionin Familiar" pronë e trashëguar e zonjës Voker e cila jetonte pa të shoqin e vdekur prej disa vitesh tashmë. 
Në këtë shtëpi qëndronin pleq e të rinj duke paguar një shumë mujore sipas marrvëeshjes. Një ndër banorët ishte Xha Gorio, një ish i pasur që e kishte krijuar kapitalin e tij duke shitur fide e makarona. Banor dhe personazh tjetër me rëndësi është edhe Eugjeni, një djalosh i ri e ambicioz që me patjetër dëshironte të ishte i pasur e njëkohësisht ishte student i drejtesise që mezi financohej nga familja e tij, ambicia e tij e dërgon atë në ujëra të rrezikshme e të panjohura deri kur takohen me Votrenin, nje hajn profesionist që merrej vetëm me vjedhjen e shumave te mëdha 10000 e me shumë.

Ky i fundit e kishte sugjeruar Eugjenin të martohej me Vikotorinën vajzën e një konti sepse po i ndodhi diçka të vëllait të saj ajo do ishte trashëgimtarja dhe ai do arrinte qëllimin e tij, në anën tjetër Votreni kishte planifikuar prej kohësh të vristebirin e kontit . Në anën tjetër Xha Gorio kishte dy vajza të cilave ua kishte kushtuar jetën, mirëpo ato nuk tregonin asnjë interes për të atin.

Pas një kohe Eugjeni shkon në shtëpinë e Anastasias, vajzës së Xha Gorioit ku ajo jetonte me të shoqin dhe aty ai përmendi emrin e Xha Gorioit. Në rrjedhën e mëpasshme të ngjarjeve, Xha Gorio i afrohet Eugjenit kur kupton se ai kishte takuar të bijën e tij .Për tu inkuadruar në klasën aristokrate Eugjeni i kërkoi para familjes së tij për të blerë rroba të shtresës së lartë, të cilat më pas ia kthen familjes me anë të pokerit.

Një ditë prej ditësh arrin lajmi për vrasjen e të birit të kontit dhe kuptohet se Viktorina ishte trashëgimtarja e vetme. Pas disa krimesh të kryera Votreni përfundon në burg. Ndërsa Eugjeni njihet me vajzën tjetër të Xha Gorioit, Delfinën nga i dashuri jashtëmartesor i konteshës. Ditët kalonin e Eugjeni po binte në dashuri gjithmonë e më tepër me Delfinën, ndërkohë që Anastasia kishte bërë një skandal të madh duke i shitur stolitë e vjehrrës së saj për të nxjerrë të dashurin e saj të fshehtë nga burgu. Këtyre ditëve, Xha Gorioi përçmohej nga banorët e Parisit si një plak i pavlerë.

Për Xha Gorioin gjërat kishin marrë tatëpjetën dhe po ashtu për zonjën Voker, klientet e së cilës po pakësoheshin dita - ditës, ndërkohë që Eugjeni po afrohej gjithmonë e më shumë me Delfinën dhe vazhdonte të luante poker për t'i siguruar të ardhurat, ndërsa burri i Anastasias kishte kapitulluar tashmë në gjendjen financiare.

Një atmosferë mortore kishte mbuluar Parisin tashmë. Atyre ditëve ndërroi jetë edhe Xha Gorio dhe Eugjeni nuk i realizoi ambiciet e tij për të qenë i pasur mirëpo gjeti diçka më tepër se ç'kërkone. Ai gjeti Delfinën, ndërsa për varrimin e Xha Gorioit morën pjesë shumë pak persona dhe asnjëra nga vajzat e tij nuk ishte aty. Delfina kishte mbetur pa vetëdije , kurse Anastasia nuk do të shkonte për të mos iu prishur grimi dhe teni i fytyrës, me arsyetimin se nuk e lejonte i shoqi.

Balzaku vdiq i drobitur nga puna, nga mendimi dhe pasioni; asoj pasioni, dua të them, që ai e pat tretur në projektin e vet të pamatë dhe që e kishte dominuar si një ndëshkim zotash.

Lista e librave të autorit Honore De Balzac

Shtepia Misterioze

Lekura E Shagrenit

Gobseku

Xha Gorioi

Iluzionet E Humbura

Gobseck

Pjereta

Xha Gorioi

Kryevepra E Panjohur

Si Gjithe Te Tjeret

Lenesha

Shtepia Misterioze

Lekura E Shagrenit

Gobseku

Xha Gorioi

Iluzionet E Humbura

Gobseck

Pjereta

Xha Gorioi

Kryevepra E Panjohur

Si Gjithe Te Tjeret

Lenesha