Harri Poter, 11 vjeç, nuk është një fëmijë si gjithë të tjerët: ka një vragë në ballë në formën e një vetëtime, është bir magjistarësh dhe pikërisht në ditëlindjen e vet zbulon fuqitë e tij magjike dhe botën misterioze së cilës i përket. Një libër ku magjia rrëfehet dhe e magjeps edhe lexuesin. Një libër që flet për gjëra të rëndësishme në mënyrë të thjeshtë, që të rrëmben, por nuk të turbullon, që të frikëson dhe të qetëson njëherazi dhe që shpesh, me humorin e bukur të bën të qeshësh.

Harry Potter 1 Guri Filozofal

Jemi në vitin 1926 në qytetin e Nju Jorkut: një kohë dhe një vend ku ngjarjet e pak njerëzve -dhe krijesave - do të përcaktojnë fatin e shumë të tjerëve. Midis tyre dallohen: NJUT SKAMANDERI, i pari (dhe ndoshta i vetmi) magjizoolog, lufta e të cilit për mbrojtjen e krijesave magjike të botës merr një kthese të rrezikshme kur disa nga kafshët e frikshme për të cilat ai kujdeset, ia mbathin për në qytet; TINA GOLLDSTIN, një (ish) Aurore amerikane, e punësuar në Ministrinë e Magjisë të SHBA, e cila dëshiron me gjithë shpirt të kthehet në këtë detyrë dhe është e sigurt se lëvizja kunder magjistarëve, e quajtur "Trashëgimtarët e Salemit", është strofull e vetë së Keqes; KUINI GOLLDSTIN, motra e bukur dhe e paturpshme e Tinës, e aftë të lexojë mendimet; dhe XHEJKOB KOVALSK1, një veteran (dhe JoMagji}, i cili një herë për një herë dëshiron të hapë një furre për të shitur bukë e ëmbëlsira. Dhe shumë kafshë fantastike, të njohura nga librat e Harry Porterit ose të reja, që e popullojnë këte vepër, duke i dhënë emocion dhe një atmosferë magjike të papërsëritshme, Fansat e JX. Rowlingut do të ndeshen në cdo faqe të këtij libri me humorin, forcen e pabesueshme të saj për krijimin e një bote magjike, si dhe ndjeshmërinë dhe mirëkuptimin e thellë ndaj çdokujt me ose pa shkop magjik, emra të tillë, si Urtimori janë një urë midis kësaj historie dhe Harry Potterit,dhe lexuesit do të jenë të lumtur të ndeshen me ta në një situatë të re të botës magjike .Por kjo është një aventurë që jeton jetën e vet dhe do t’ju lëre pa frymë.

Kafshet Fantastike Dhe Ku Mund Te Gjenden

Banorët e Litëll Hengëlltaunit e quanin edhe sot e kësaj dite Shtëpia e Ridëllve, edhe pse kushte kushedi sa vjet që familja nuk banonte aty. Të gjithë hengëlltaunasit mendonin se shtëpia e vjetër ndillte ters. Pesëdhjetë vjet më parë aty kishte ndodhur diçka e çuditshme dhe e llahtarshme...Në turneun e kupës së tri magjistarëve, Harrit i duhet të luftojë kundër dragonjve, kundër kafshëve të ujit dhe më në fund të bie në duart e Fluronvdekjes.

Harry Potter 4  Kupa E Zjarrte

Vëllimi i katërt i Harri Poterit na ka lënë me zemër të ngrirë: Lordi Fluronvdekje është kthyer. Çfarë do të ndodhë tani që Zotëria i Errët po bëhet sërish i plotfuqishëm? Sa vdekje dhe shkatërrime do të mbjellë, duke u përpjekur të shtrijë pushtetin e tij mbi gjithë botën? Këto janë pyetjet, që e mundojnë Harri Poterin gjatë verës, në shtëpinë e të afërmve të tij babanacë, larg nga bota magjike së cilës i përket. Edhe ai ka ndryshuar. Tashmë pesëmbëdhjetëvjeçar do ta takojmë të përpirë nga zhgënjimi, zemërimi, ankthi dhe rebelimi, tipike për moshën e tij. Në një nga librat më të mirëpritur në historinë e letërsisë, J. K. Rowling nuk resht së na befasuari. Duke endur një tjetër dramë të mrekullueshme, kësaj here arrin t’u japë jetë shqetësimeve të adoleshencës, duke e pasuruar gjithësinë e saj tashmë të mrekullueshme me krijesa dhe personazhe të reja të paharrueshme. Hapni sytë dhe jini të kujdesshëm ndaj marrëzisë së pushtetit dhe atij që e përdor për të luftuar talentin, guximin, fantazinë dhe alternativën, na flet ajo përmes librit të vet të pestë.

Harry Potter 5  Urdhri I Feniksit

Harri është duke pritur në dhomën e tij një vizitë të drejtorit të shkollës, pa arritur të kuptojë arsyen e kësaj vizite.Çfarë është kaq urgjente sa profesori nuk pret deri sa ai të kthehet në shkollë? Po kushërinjtë e tij, si do ta presin Urtimorin?

Harry Potter 6  Princi Gjakperzier

“Unë hapem kur mbyllem”: një nga enigmat e shumta që Urtimorti, me të cilin Harri Poteri duhet të përballet në librin e shtatë dhe të fundit të serisë. Personazhet që kujtonim se u kishim shkuar deri në thelb, zbulojnë të fshehta të thella.

Lista e librave të autorit J. K. Rowling

Harry Potter 1 Guri Filozofal

Kafshet Fantastike Dhe Ku Mund Te Gjenden

Harry Potter 4 Kupa E Zjarrte

Harry Potter 5 Urdhri I Feniksit

Harry Potter 6 Princi Gjakperzier

Harry Potter 7 Dhurata E Vdekjes

Harry Potter 1 Guri Filozofal

Kafshet Fantastike Dhe Ku Mund Te Gjenden

Harry Potter 4 Kupa E Zjarrte

Harry Potter 5 Urdhri I Feniksit

Harry Potter 6 Princi Gjakperzier

Harry Potter 7 Dhurata E Vdekjes