Pasi ka dhënë mësime për vite me radhë në Universitetin Teknik të Kejp Taunit, David Luri, një burrë rreth të pesëdhjetave, dy herë i shkurorëzuar, ka një lidhje të zjarrtë dashurie me një studenten e tij. Por, është pikërisht kjo histori, që i ha, në njëfarë mënyre kokën. Atë e denoncojnë dhe e vënë përballë një komisioni hetimor. 
Ai e pranon fajin që ka kryer, por e hedh poshtë propozimin për t'u penduar. Ai tërhiqet nga puna e rehatshme në universitet dhe shkon tek e bija, Lusi, e cial jeton në një fermë në humbëtirë. Për njëfarë kohe, ndikimi që ushtron e bija dhe jeta natyrore e fermës, i japin mundësi që të gjejë paqtim me jetën e tij të trazuar. Por ai nuk është i prirur për të bërë jetën e fshatit.

Paskëtaj, ai bashkë me Lusin bëhet pre e një sulmi të egër dhe të poshtër, sulm që "ndreq" njëherë e mirë marrëdhëniet e tyre të cunguara.

Turpi

Fotografi Pol Reiment humbet këmbën në një aksident me biçikletë. Nga ai çast jeta e tij ndryshon në mënyrë të pakthyeshme, pavarësisht dëshirës së tij. Pasi refuzon me kokëfortësi vënien e protezës, Poli kthehet i vetmuar në apartamentin e tij në Adelaide. 
Ai nuk e duron dot varësinë që ka tani prej të tjerëve; kjo jetë e re është dëshpëruese për të. Në mes të dhimbjes për gjashtëdhjetë vitet e jetës që ka lënë pas, gjendja shpirtërore merr një kthesë të menjëhershme, kur bie në dashuri me Marijanën, infermieren që kujdeset për të në shtëpi, një kroate tepër realiste, e cila bën sa mundet për mbarëvajtjen e familjes së saj në një vend të huaj.

Teksa Poli përpiqet të gjejë mënyrën e duhur për t'i fituar asaj zemrën, në shtëpi i shkon për vizitë Elizabet Kostelo, e cila e fton Polin për të marrë një rol më aktiv në jetën e tij. "I ngadalti" është një meditim i thellë për natyrën njerëzore, për kuptimin e plakjes dhe reflektimin mbi mënyrën se si kemi jetuar.

Përpjekjet e mundimshme të Pol Reimentit janë zëri i pastër dhe i pakompromis i Coetzees. Rezultati është një histori tepër prekëse për dashurinë dhe vdekjen, e që e mahnit lexuesin në secilën faqe të këtij libri.

I Ngadalti

Në mes të një vendi të shtrënguar në darën e luftës, i mbjellë me rrethime ushtarake dhe me kampe riedukimi, me qytete të trazuara nga klithmat e sirenave nëpër rrugët e tyre, në mesin e këtij peisazhi dhune, Majkëll K., një tridhjetë e një vjeçar me një shëmti fizike dhe një defiçencë mendore, bashkë me të ëmën, një grua e sëmurë dhe e thyer në moshë, i ngjitet turmës së të dëshpëruarëve në përpjekje të mbërrijë në vendin e origjinës, në fermën ku e ëma ka lindur dikur. 
Por udhëtimi për Ana K. Përfundon shpejt në muret e një spitali. Pas kësaj, me hirin e saj me vete, Majkëll K. vazhdon i vetmuar udhën në kërkim të atij cepi të botës për ku u nis, por do të sillet gjatë rrotull, duke përshkuar një kalvar të dhimbshëm e ironik. Libri është plot me skena të trishtuara, nëpër çka ndonjëherë regëtijnë shpresa dhe drita.

"Jeta dhe koha e Majkëll K." është një histori mbijetese dhe izolimi e individit, i cili lufton i vetmuar në mesin e një shoqërie që i derdh atij mbrapshti. Majkëll K. është një primitiv i pafajshëm, një i pafajshëm që qëndon përtej të gjithëve, i paprekur nga mëkati vdekjeprurës.

Lista e librave të autorit J.m Coetzee

Turpi

I Ngadalti

Jeta Dhe Koha E Majkell k.

Turpi

I Ngadalti

Jeta Dhe Koha E Majkell k.