Tregimet e librit Apollo 11 dhe misione të tjera të autorit Leka Ndoja, përveç tregimit homonim kushtuar 50 vjetorit të zbritjes të parë të njeriut në hënë, janë shkruar gjatë karantinës . Libri përbëhet nga dy nënndarje Cikli Apollonik dhe Kronika të pashkruara, ku përpunohen disa tematika tabu, të panjohura për lexuesin. Mjaft subjekte ishin projektuar më parë në trajtë sinopsesh, ose të përfshira në njësinë e Kronikave. Tregime si  Zarfi me kordon të zi,  Komplloti i Klubit të gazetarëve, janë ideuar gjatë përpunimit të evidencave dhe memories.  Shënimet mbajtur gjatë punës si gazetar televiziv në terren, para dhe gjatë trazirave të vitit 1997, por dhe gjatë luftës së Kosovës më 1999, kanë rezultuar të vlefshme në rimarrjen e disa ngjarjeve dhe situatave të krimit si në tregimet Beratoktoni Altin Dardha dhe Kollçikët e mbretit Gent lidhur me plaçkitjen e artefakteve ilire të Muzeut Arkeologjik të Durrësit më 1997-99. 
Në programet narrative janë përfshirë koncepte të filozofisë, të studimeve dhe riteve të ndryshme, që nga ato të teologjisë, kërkimit e fantashkencës për gjetjen e elanit të jetës. 
Një tregim fantastik dhe grotesk, është Perandoria Tung, marrë shkas nga pandemia, ndërsa Aktrimi i mbramë i Faustit, ka si subjekt krizën si devalorizim i artit, i disidencës dhe tjetërsimin e personalitetit përmes sekuencave së absurdit.
Procesi i punimit të këtyre tregimeve, krahas motiveve të memories, ku trajtohen subjekte të periudhës para vitit 1990, i ka dhënë neonarrativës, një ngjyrim dhe një regjistër stilesh. Libri përtërin skenat e siteve të tjetërsuara të memories së Tiranës dhe Shkodrës të viteve '70 - '80, si dhe shpirtin përfaqësues, bazuar në fenomenologjinë e kohës si triní. 
Disa tregime, ndonëse shtrihen mbi kronotopi të përfytyruara, janë ndërtuar mbi koncepte mitike dhe filozofike. Shfaqja e interteksteve të Sh. Agustinit, Hegelit, Heideggerit, Paul Ricoerit, Le Goff-it nuk arrin deri aty sa të zhvendosë intrigën nga caku artistik. 
Libri Apollo 11 dhe misione të tjera, është libri i katërt në prozë i Leka Ndojës, mbas romanit autobiografik të memories Motel El Salvador shkruar më 1997, me temë zhvilluar mbi kampin e internimit të ishullit të Zvernecit dhe botuar më 2002, librit me tregime Ajkuna në Shqipërinë Unite botuar më 2008 dhe romanit epiko-historik Patriarku Moreas, kushtuar kryengritjes së vitit 1596 të Athanas Moriotit në Himarë, nën suazën spanjole, botuar më 2017.

Apollo 11 Dhe Misione Te Tjera

Komentari I Letersise

Disa nga tregimet që përmban libri: “Ajkuna në Shqipërinë Unite”, “Dora Maks”, “Buzëqeshja trashëgohet”, “Flirt turistik”, “Skenari sekret”, “Kënga e madhe”.

Ajkuna Ne Shqiperine Unite

Ky botim është një projekt studimor mbi sekuestrimin, zhdukjen, tjetërsimin e paligjshëm të pronës intelektuale si një nga format e krimit komunist në Shqipëri.

Tjetersimi I Vepres Intelektuale Gjate Komunizmit

Letersia Shqipe E Diaspores

Hermetizmi Ne Letersine Shqipe

Romani është shkruar në përkujtesë të 400 vjetorit të vdekjes së Athans Rizeasit dhe 420 vjetorit të Kryengritjes epike të Himarës…  
“Patriarku i Moreas” është romani më ri i shkrimtarit Leka Ndoja. Tema historike e romanit është nxjerrë nga Kryengritja e Himarës 1596-1597, 420 vjet më parë. Është Dita e Shën Lorencit 11 gusht 1596, (sot sipas kalendarit gregorian 15 gusht), kur kishte zbarkuar Armada spanjolle në Himarë nën komandën e Gjeneralit spanjoll Oktavian i ftuar nga Patriarku Athanas I i Patriarkanës së Ohrit, nga gadishulli Mani i Moresë, i mbiquajtur Athanas Moreasi (Morioti). Gjatë gjithë këtij viti dhe më tej në Napoli, Athanasi (Mani 1550 - Napoli 1616) planifikoi çlirimin e Himarës dhe të Ballkanit nga pushtuesi osman, në kohën e sulltanëve Murati III dhe Mehmeti III.  

Në roman Kapedan Nina është personazh kryesor pas Athanasit. Narratori ose metanarratori, mbasi shkruan "jetën e vet" është At Dhimitri, prift Basileas nga Dhrimasa, një psallt i tipizuar i Kishës Lindore që ka oponentin e tij etern Arkimandritin Trandafillo të Janinës. Romani është shkruar në përkujtesë të 400 vjetorit të vdekjes së Athans Rizeasit dhe 420 vjetorit të Kryengritjes epike të Himarës. Për lexuesit e suplementit tonë do të sjellim sot një fragment nga ky roman.

Lista e librave të autorit Leka Ndoja

Apollo 11 Dhe Misione Te Tjera

Komentari I Letersise

Ajkuna Ne Shqiperine Unite

Tjetersimi I Vepres Intelektuale Gjate Komunizmit

Letersia Shqipe E Diaspores

Hermetizmi Ne Letersine Shqipe

Patriarku Moreas

Apollo 11 Dhe Misione Te Tjera

Komentari I Letersise

Ajkuna Ne Shqiperine Unite

Tjetersimi I Vepres Intelektuale Gjate Komunizmit

Letersia Shqipe E Diaspores

Hermetizmi Ne Letersine Shqipe

Patriarku Moreas