Mes pranverës së vitit 1924 dhe 1925, Ugolini u dërgua në Shqipëri për dy udhëtime eksploruese, me iniciativën e drejtorit
të misioneve arkeologjike në Lindje, Roberto Paribeni dhe Ministrisë
së Punëve të Jashtme.
Në vitet 1926 dhe 1927 Ugolini realizoi synimin e tij për të kryer gërmime
në Finiq, duke marrë rezultate të rëndësishme.
Nga viti 1928 e deri në ndarjen e tij nga jeta, misioni arkeologjik
italian në Shqipëri i drejtuar nga Ugolini, e zhvendosi qendrën
e veprimtarisë nga Finiqi te Butrinti i ndodhur aty pranë. Tetë
vitet e gërmimeve në Butrint dhanë rezultate të bujshme, duke i dhuruar
Ugolinit famë të madhe: zbulimi i një faltoreje të madhe të
Asklepios, siç e njohim sot, me një teatër të pasur me mbishkrime greke
dhe skulptura të shumta; bazilikat paleokristiane; një pagëzimore e
rëndësishme e shekullit të VI me plan qendror dhe shumë më tepër.

BUTRINTI MITI I ENEAS GERMIMET

Shqipëria e lashtë - Gjurmime arkeologjike është një libër me autor Luigi M. Ugolini dhe që është botuar në dy vëllime. Vëllimi i parë : "Albania antica", vëllimi i dytë : "Ricerche Archeologiche" (1927).

Shqiperia E Lashte

“Edhe punëtorët shqiptarë që qëndronin rreth meje dukeshin të emocionuar e të mrekulluar: ishte koka e parë që zbulonim në Butrint. E larë vazhdimisht për t'u shquar më mirë gjatë punës delikate të nxjerrjes nga dheu, koka zuri të shfaqej në gjithë madhështinë e vet: me dritën e bardhësisë së mermerit që kontrastonte me errësirën e plumbtë të baltës dhe që ia nxirrte në pah edhe më qartë tiparet e mrekullueshme... qe e paprekur. "Paska edhe hundën! Paska edhe hundën!" u thërriste shokëve një punëtor, edhe ai i pushtuar nga emocioni i thellë që mund ta kuptojë vetëm ai qe pyet me kazmë nëntokën, ai që me pasion të lindur dëshiron të futë duart në gjirin e tokës-nënë për t'ia zbuluar të fshehtat, per t'ia kthyer dritës, botës, ato thesare të mrekullueshme që ngjarjet e hershme kanë varrosur dhe shekujt kanë lënë në harresë. Shpresat tona të dridhura nuk mbetën të zhgënjyera, se mundimet tona u shpërblyen me një nga gëzimet më të mëdha. Koka ishte një origjinal grek i punuar në mënyrë të shkëlqyeshme: koka e "Perëndeshës së Butrintit"... “- Luigi M. Ugolini.

Lista e librave të autorit Luigi m. Ugolini

BUTRINTI MITI I ENEAS GERMIMET

Shqiperia E Lashte

Butrinti

BUTRINTI MITI I ENEAS GERMIMET

Shqiperia E Lashte

Butrinti