Një vend sa i vërtetë po aq edhe mitik, që Vargas Llosa evokon përmes mjeteve që ia jep mitologjia popullore e përmes personazheve të tij: don Anselmos, Garcias, doktor Zevallosit, Santera Domitillas. Sipas kritikes, Mario Vargas Llosa do të mbetej i pavdekshëm, qoftë edhe sikur të kishte shkruar vetëm romanin Shtëpia e Gjelbër

'The Green House' by Mario Vargas Llosa is a landmark novel set in a small town in Peru. It tells the story of a brothel known as The Green House, intertwined with narratives of social and political upheaval. Llosa’s exploration of themes such as power, corruption, and human desire creates a rich, multilayered narrative that offers deep insights into both personal and societal struggles.

Shtepia e gjelber

A mundet që një lajm i rremë të shënjojë fatin e një kontinenti? Kjo është pikërisht ajo që beson një industrialist i pasur në pará e mbështetje politike dhe një marketer i paskrupullt. Së bashku do t'i hapin rrugën ngjarjeve të cilat do të shkaktojnë në 1954, grushtin famëkeq të shtetit në Guatemalë, të mbështetur nga CIA. Po kur në piedestalin e historisë ngjitet ajo, Marta, ekscentrike dhe një bukuroshe e apasionuar pas politikanëve në përgjithësi dhe e diktatorëve në veçanti, kuptojmë se mund të ndodhë çdo gjë, edhe atëherë kur mendojmë se e dimë sesi do të përfundojë gjithçka.Mario Vargas Llosa ka shkruar një libër që flet për të shkuarën por me një aktualitet të paimagjinueshëm. Me këtë roman ai rikthehet tek atmosfera dhe personazhet që e kanë bërë të famshëm në gjithë botën.Te "Kohë të këqija" faktet historike gërshetohen me trillimin letrar: kjo është e vërteta e një romani të madh që çmonton dhe zbulon gënjeshtrat e propagandës.«Te Kohë të këqija rikthehen shumë nga temat më të dashura të Vargas Llosës: duke filluar nga urgjenca për të denoncuar të zezë në të bardhë padrejtësitë dhe dëshirën për liri».

KOHE TE KEQIJA

Enrike Kardenas, një biznesmen i njohur e mjaft i fuqishëm peruan, një ditë gjendet i shantazhuar në zyrën e tij nga gazetari Rolando Garro, kryeredaktori i një tabloidi, në duart e të cilit kanë rënë fotot e një nate orgjie të biznesmenit; publikimii tyre do ta shkatërronte atë, familjen e tij dhe reputacionin e tij. 
I vendosur të mos bjerë në kurthin e këtij kërcënimi, ai refuzon të bashkëpunojë me gazetarin gjobëvënës dhe një ditë i gjen të botuara fotot e tij përçude. Por, pas këtij akti tronditës, do të jetë vetë gazetari viktima e gjithë këtij trazimi publik.

Paralelisht me këtë linjë të romanit, dy mikesha, Marisa dhe Çapela, zonjat e dy miqve të ngushtë, biznesmenit dhe avokatit të tij, të cilët po përpiqen të dalin nga baltosja publike, nisin një marëdhënie lesbike dashurore, në fundin e së cilës do të bëhet pjesë si i tretë edhe vetë biznesmeni ynë.

Mario Vargas Llosa na fut në atmosferën e Limës gjatëkohës së regjimit autoritar të presidentit Alberto Fuxhimori, me tëcilin edhe ai vetë u përball në zgjedhjet për president në vitin 1990, dhe humbi, si edhe të aktivitetit korruptiv, kriminal, shantazhues të shtetit që Fuxhimori ngriti.

"Pesëqoshet" nuk është vetëm një toponim i një zone të Limës, por edhe metafora e përplasjes së madhe që solli me vete sundimi i kaosit dhe krimit në pushtet. Lëvrues edhe më herët i këtij zhanri të kohës, i cilësuar si rrëfim i moralitetit politik, Llosa, fitues i Çmimit Nobel në Letërsi në vitin 2010, sjell njëhistori të ethtë politik edhe erotike të Perusë së tij të trazuar.

Pese Qoshet

Rikardoja, qysh fëmijë atje në vendin e lindjes së tij, në Lima, ka ushqyer një ëndërr: Të jetojë në Paris. Por ritakimi me Lili kiliankën, një dashuri e hershme e adoleshencës, do ta shtyjë të ndryshojë gjithçka të tij. Vajza aventuriere, pragmatiste, e paqetë, do ta zvarrisë përtej botës së vogël të ambicjeve të tij. 
Si përkthyes dhe interpret, që merr pjesë në konferenca në të gjithë botën, ia del mbanë ta takojë Lilin në çdo rimishërim të saj, si kilianka Lili, si shoqja Arleta, si madamë Arny, Mrs. Riçardson dhe Kumiko dhe ata rifillojnë përherë, edhe pse përkohësisht, dashurinë e tyre.

Kjo grua plot mister, që përgjërohet vetëm ndaj burrave me pushtet dhe para, e refuzon dashurinë e Rikardos së "sëmurë" pas saj. Edhe kur ia vjedh paratë të shoqit nga banka, edhe kur merret me kontrabantën e afrodiaziakëve nga Afrika në Japoni, narratori këmbëngulës e kthen sërish gruan në skenë pa shumë pse-ra.

Duke krijuar një tension të admirueshëm midis komikes dhe tragjikes, Mario Vargas Llosa luan me realitetin dhe fiksionin për të shtjelluar një histori, ku dashuria jepet si e papërcaktuar, si zonjë me një mijë fytyra, si vajzë e prapë. Pasion dhe ligësi, shans dhe fat, dhimbje dhe kënaqësi... për të dhënë fytyrën e vërtetë të dashurisë!

Vajza E Prape

Dyzetenëntëvjeçarja, Urani Kabral, një grua e ftohtë dhe ngurtë, por që dikur ka qenë një vajzë e brishtë dhe ndjeshme, është rikthyer të vizitojë atdheun e saj, Republikën Domenikane. E gjurmuar gjithë jetën nga ndjenja e terrorit, e zbrazëtisë dhe e humbjes, Urania e gjen veten duke u endur rrugëve të qytetit të saj të lindjes dhe duke përsjellë në kujtesë ngjarjet e vitit 1961, kur kryeqyteti ende thirrej "Qyteti Truhijo", me emrin e tiranit që shtypi i vetëm një komb tremilionësh. 
Rafael Truhijo, udhëheqësi i degjeneruar dhe i korruptuar, të cilin domenikanët e thërrasin Cjapi, kontrollon rrethin e tij të ngushtë përmes dhunës dhe shantazhit. Tradhëtia e frika, janë mënyra e të jetuarit të atyre që e rrethojnë. Por dara e Truhijos po mpihet. Një komplot kundër tij dhe një revolucion makiavelist, po i shkon atij nënudhës e do të ketë pasoja të përgjakshme. Dhe në qerthullin e gjithë kësaj, por aq përgjakshëm do të ndëshkohet nga tirania edhe Urani Kabral.

Në këtë kryevepër të letërsisë latino-amerikane dhe të asaj botërore dhe njërin nga romanet më të bukur politikë të shkruar ndonjëherë, Mario Vargas Llosa rrëfen fundin e një regjimi diktatorial dhe lindjen e një demokracie të mundimshme, duke i dhënë frymë historike Truhijos dhe viktimave, të pafajshmëve dhe bashkëfajtorëve, të ngecur në orbitën e tyre vdekjeprurëse.

Festa E Cjapit

Qysh në krye të kësaj rrëfenje erotike, Don Rigoberti dhe Lukrecia, gruaja e dytë e tij, na rrëmbejnë në një botë pasionante familjare dhe erotike. Por në këtë histori përfshihet edhe thjeshtri i Lukrecias, Alfonsoja, një admirues i pafre i njerkës së tij, i cili do të këmbëngulë të prekë kufijtë e familjes me pasionin e tij hutues. 
Rigobertoja e adhuron me mahi Lukrecian, aq sa erotizmi i tyre i pashoq, do të mvishet nga rrëfenjat mbi mitet klasike që burojnë nga pikturat e njohura të Jordaens, Boucher, Tiziano, Bacon, Szyszlo dhe Fra Angelico.

Ndërkohë, Alfonsoja, me pamjen e tij prej kerubini, përgjon njerkën e tij të dashur, ndërkohë që ajo është duke u larë, dhe kësisoj adhurimi birnor, kthehet në dëshirim dhe joshje. Puthjet e pafajshme të paragjumit, zënë e kthehen në sensuale, dhe Lukrecia nis e i thyen të gjitha tabutë dhe zhytet lehtësisht në një marrëdhënie fatkeqe të yshtur nga libidoja.

Me një vrojtim tejet të përpiktë dhe aftësitë joshëse të një rrëfyesi të fuqishëm, Mario Vargas Llosa ia del ta kthejë trekëndëshin proverbial romantik, në një roman erotik të denjë për mjeshtërinë e tij të jashtëzakonshme.

Lista e librave të autorit Mario Vargas Llosa

Shtepia e gjelber

KOHE TE KEQIJA

Pese Qoshet

Vajza E Prape

Festa E Cjapit

Levdate Per Njerken

Shtepia e gjelber

KOHE TE KEQIJA

Pese Qoshet

Vajza E Prape

Festa E Cjapit

Levdate Per Njerken