Libri është kryesisht një ode mbi natyrën dhe mbi kohën që përsëritet, mbi dashurinë për natyrën, si një dekor i jetës sonë, në të cilën
jetojmë së bashku. Por, ky dekor, në vargjet e Robert Shkurtit është në harmoni
me gjendjet tona shpirtërore, me lumturinë, pikëllimin, humbjen, por, pse jo,
edhe me rikthimin. I gjithë libri dëshmon për respektimin e disiplinës së këtij
vargu aspak të lehtë, për aftësinë për të pikturuar një kuadër të gjallë natyre
me shumë pak fjalë, ku çdo fjalë, çdo rrokje ka rëndësinë e saj dhe ku ritmi
është gati i pandieshëm, por i pazëvendësueshëm. Ku nuk ndihet domosdoshmërisht
nevoja e rimës, por ku ato tri vargje të kursyera 5-7-5 rrokëshe janë një imazh
poetik që shprehin një botë të madhe.

***

Në ecje vitesh,

ndërrojmë fletët e kohës,

por jo zemrën.

 

***

I qullur hiri

kërkoj rininë e humbur.

Zemër shkrumbuar.

 .

DET I DEHUR

JETE TE PAJETURA

Ky libër i ri me tregime është ndërtuar me mbresat e dy realiteteve, të matanë detit dhe të përkëtej detit... Shumë emocione ndien kur lexon sidomos tregimet e kohës së rinisë së autorit. Ikën autori nga Shqipëria, por nuk ikën Shqipëria nga autori. Largohet autori nga Durrësi, por nuk largohet Durrësi nga autori. Ah! Durrësi i viteve të rinisë... Durrësi, 7  i cili është përshkruar aq bukur në disa tregime të këtij libri, por dhe në romanin “Ndërmjet dy kohëve”, Durrësi i viteve të shkollës, Durrësi i viteve të dashurisë së parë... Durrësi është qyteti i ëndrrave dhe i netëve pa gjumë të autorit, ndaj, si mund të mos e mbartte me vete dhe si mund t’i linte pa hedhur në letër histori dhe çaste aq të bukura, të cilat përshkruhen te tregimet “Midis dy dashurive”, “Mall” “Keqardhje”. Veçanërisht mbresëlënëse janë dy tregimet e para, “Vrasje për vetëmbrojtje” dhe “Monda”, të cilat në një formë origjinale pasqyrojnë pasojat e kurbetit.

Lista e librave të autorit Robert Shkurti

DET I DEHUR

JETE TE PAJETURA

Udha E Shpreses

DET I DEHUR

JETE TE PAJETURA

Udha E Shpreses