Poezia e Naimit është gjuha shqipe e shpirtëruar me pamje të dashurisë. 
Shqipja e tij e shkruar mbërriti statusin e gjuhës së komunikimit kombëtar. Shqipja e shkruar poetike është e ndryshme, e dallueshme para tij e pas tij. Niveli i lartë i përjetimit krijoi fjalët e reja shqipe, që për breza të mëvonshëm morën statusin e përhershëm të gjuhës së nënës, gjuhës amtare.

Naim Frasheri

At Gjergj Fishta

Esetë për veprën e Át Zef Pllumit, të renditura në dhjetë kapituj, përbënin librin tim “Zef Pllumi”, që doli për herë të parë te botuesi “Albas” i Tiranës, në vitin 2013. Ato ishin ese që merreshin me karakterizimin e shkrimtarisë së tij, interpretimin e veprave të veçanta të kategorive shkrimore të ndryshme, cilësimin e ligjëratës së tij letrare, duke synuar në fund edhe sistematizimin strukturor të ideve të autorit, të gjitha të shkruara pas shkuarjes së Át Zef Pllumit në amshim. Pata thënë edhe atëherë që ky libër mbetej i pambaruar, i papërfunduar. Dhe këtij mendimi i mbetem besnik edhe tash për dy arsye. Vepra e Pllumit frymëzon për lexime të reja e të përsëritura. Po ashtu, vepra e Pllumit ende nuk është botuar e tëra, ka ende dorëshkrime. Tashmë janë dhe tri ese të reja që merren me tri vepra të tjera të autorit: “Poemë antiepike” (2001), “Para nji mijë vjetve” (2003) dhe “Dhetë vjet liri” (2017) që në trajtë të dy kapitujve të fundit, i shtohen strukturës së librit në formatin e parë.
Si një tërësi e re, e plotësuar, tani kjo vepër mund të konsiderohet botim i dytë i plotësuar.
Nuk di nëse do të kem kohën dhe fatin që një ditë këtij libri të kem mundësi t’i shtoj qoftë edhe një kapitull tjetër. Më mban shpresa, përderisa nuk e kam harruar konstatimin e thënë: kryeveprat e Át Zef Pllumit do të lexohen e rilexohen.

At Zef Pllumi

Vëllimin më të fundit poetik, e ka titulluar “Kukuta e Sokratit”. Sepse herët a vonë të gjithë do ta pinë atë kukutë, veçse, 50 vjet më pas që nga vëllimi i parë, këtij të dhjetit i është shtuar dhe urtia e Sokratit. Ndonëse kritik, studiues, dramaturg…, Sabri Hamiti, në thelb të gjithçkaje ka pikërisht poezinë, atë klasiken, që për të është “kunora”. “Bëj një diferencim fare të vogël mes formave letrare dhe mendoj se esenca e të gjithave është poezia. Ajo është koncentrat. 
Gjithçka është çështje formash dhe normash të shkrimit, por thelbi është poezi”, thotë Hamiti. Tek ai jetojnë natyrshëm të gjitha llojet e shprehjes, por më e vështira do të ishte të fliste për krijimtarinë e vet. “Mendimi i një autori për veprën e vet nuk vlen më tepër se mendimi i një lexuesi të zakonshëm. Libri është i imi deri në momentin që nuk është i botuar, më tej mund ta konsideroj si tekst të tjetrit”, thotë ai.

Kukuta E Sokratit

Ndre Mjedja

Cilët autorë i dhanë fytyrën moderne letrave shqipe në shekullin e kaluar? E shfaqur qoftë si trashëgimi e simbolizmit, qoftë si realizëm, me frymë kritike, qoftë në trajtë neoklasiciste, apo në trajta të papara të modernitetit në prozë (me Koliqin, Migjenin, Kutelin), bota e studimeve letrare vjen me një këndvështrim të ri. Kritiku përvijon karakteristika themelore të letrave shqipe të gjysmës së parë të shek XX, siç është ajo e krijimit të vetëdijes artistike se letërsia është krijim i veçantë estetik. Një analizë e tillë bëhet përmes evidentimit të formave, gjuhës dhe efektit estetik që ndërton identitetin e botës shpirtërore shqiptare.

Letersia Moderne Shqipe

Utopia Letrare

Shtëpia Botuese Albas sjell veprën studimore “Anton Pashku” të akademikut Sabri Hamiti. Botimi i këtij libri përkon më 80-vjetorin e lindjes dhe 22-vjetorin e shkuarjes në amshim të Anton Pashkut. “Anton Pashku” promovohet në ambientet e Bibliotekës Kombëtare. Në fjalën e tij, studiuesi Sabri Hamiti vlerësoi e kujtoi mikun dhe shkrimtarin Anton Pashku, të cilin e konsideroi novelistin më të mirë të letrave shqipe. Studiues dhe dashamirës të letrave u mblodhën së bashku për të kujtuar dhe nderuar figurën e shkrimtarit Anton Pashku.

Lista e librave të autorit Sabri Hamiti

Naim Frasheri

At Gjergj Fishta

At Zef Pllumi

Kukuta E Sokratit

Ndre Mjedja

Letersia Moderne Shqipe

Utopia Letrare

Anton Pashku

Naim Frasheri

At Gjergj Fishta

At Zef Pllumi

Kukuta E Sokratit

Ndre Mjedja

Letersia Moderne Shqipe

Utopia Letrare

Anton Pashku