Në të ardhmen e afërt, pasi qyteti i Nju-Jorkut goditet nga stuhia, fillojnë çuditëritë. Një kopshtar me këmbë në tokë fillon të kuptojë se shputat nuk ia prekin më tokën. 
Një autor librash me vizatime sheh në dhomë, kur zgjohet, një qenie enigmatike që i ngjan krijimit të atij vetë. E braktisur në zyrën e kryetares së bashkisë, një foshnje ka zotësinë ta zbulojë korrupsionin thjesht me praninë e saj, duke i damkosur fajtorët me njolla dhe puçrra të qelbëta. Një eksplorator floriri shumë shpejt detyrohet të luftojë kundër forcave të cilat as në mendje nuk i kishin shkuar.

I frymëzuar nga përrallat tradicionale të Lindjes, ky roman i Salman Rushdie-ut është një kryevepër mbi konfliktet e vjetra që pllakosin botën edhe sot. “Dy vjet, tetë muaj dhe njëzet e tetë net” është një satirë e shfrenuar, e mbushur me dinakëri dhe budallallëk, rivalitete dhe tradhti, kismet dhe karmë, kënaqësi dhe ndëshkim.

Dy Vjet, Tete Muaj Dhe Njezet E Tete Net

Në këtë përrallë fantastike autori i realizmit magjik, Salman Rushdie, i fut fëmijët në një botë të jashtëzakonshme prej një mijë e një netësh. Deti i Historive që përfaqëson lirinë e fjalës, rrezikohet të ndotet përfundimisht nga Zoti i Kultit, Khatam-Shadi. Haruni, i biri i rrëfimtarit Rashid Khalifa, lufton deri në fund dhe arrin ta shpëtojë Detin e Historive. Përpjekjet për të sjellë përsëri të vërtetën, gëzimin dhe lumturinë e jetës do të bënin për vete jo vetëm një fëmijë, por edhe një të rritur."Një përrallë komike e sajuar për mrekulli... Deti i Historive, prej nga autori nxori këtë libër prekës dhe argëtues, vijon të vërshojë përherë po aq i kthjellët dhe brilant." Alison Lurie, New York Times Book Review "Shenja më e qartë dhe më bindëse e Salman Rushdie-ut si shkrimtar, prind dhe qytetar." Edward Said, Independent on Sunday.

Haruni Dhe Nje Det Historish

Los Anxhelos, 1991. Maks Ofulsi goditet për vdekje me thikë në pragun e shtëpisë së vajzës së tij të paligjshme Indisë, therur nga shoferi i tij nga Kashmiri, një figurë e mistershme e vetëquajtur Klouni Shalimar. Burri i vdekur është hero i Rezistencës së Luftës së Dytë Botërore, me aftësi të jashtëzakonshme intelektuaie dhe me shumë seks apel, ish-ambasadori i Shteteve të Bashkuara të Amerikës në Indi dhe, më pas, shefi i Kundër-terrorizmit të Amerikës. Në fillim, duket si vrasje politike, por del se është bërë për arsye personale pasioni. Kjo është historia e Maksit, vrasësit të tij, të bijës - dhe të një personazhi të katërt, gruas, që i lidh ata të gjithë. Duke qenë historia e një dashurie të thelië, të prishur në mënyrë fatale, të shkatërruar nga një lidhje e sipërfaqshme, ajo është një rrëfenjë epike që zhvendoset nga Kalifornia në Francë, Angli dhe, mbi të gjitha, në Kashmir: një parajsë e shkretuar, jo aq e humbur se sa e shkërmoqur.

Klouni Shalimar

Selim Sinai ka lindur fiks në orën 00 të datës 15 gusht 1947, pikërisht në çastin kur India u bë shtet i pavarur. Lindja e tij u prit me fishekzjarrë dhe brohoritje të turmave dhe u përshëndet nga vetë Kryeministri Nehru. Më pas, tek rritet, Selimi kupton pasojat ogurzeza të kësaj rastësie. Çdo veprim i tij pasqyrohet i zmadhuar në ngjarjet që diktojnë drejtimin e punëve të atdheut të tij. Nga ana tjetër, shëndeti dhe mirëqenia e tij janë të lidhura në mënyrë të pazgjidhshme me shëndetin dhe mirëqenien e atdheut. Jeta e tij është e pandashme, madje ndonjëherë edhe e padallueshme, nga historia e Indisë. Mbase, cilësia më e jashtëzakonshme e tij është aftësia telepatike që e lidh atë me një mijë  fëmijët e mesnatës , fëmijët e tjerë të lindur në atë orë të parë dhe të pajisur me dhunti magjike.Ky roman është njëkohësisht një sagë familjare e mahnitshme dhe një evokim mbresëlënës i një vendi të madh dhe popullit të tij: një mishërim brilant i komedisë njerëzore universale."Fëmijët e Mesnatës"dallon si një vepër epokale dhe një realizim brilant i një prej zërave të mëdhenj letrar të kohës sonë. Fëmijët e mesnatës është fitues i çmimeve Booker Prize ,  English Speaking Union Literary Award dhe James Tait Prize , në vitin 1981. Gjithashtu, ka fituar dy herë çmimin The Best of the Booker , në 1993 dhe 2008. Kanë shkruar për këtë libër: I jashtëzakonshëm...,një prej romaneve më të rëndësishme që ka nxjerrë bota anglishtfolëse e këtij brezi.-The New York Review of Booksnn Harta letrare e Indisë ndodhet në prag të ndryshimit...Me "Fëmijët e mesnatës" duket se një kontinent e ka gjetur zërin e vet.-The New York Times Me Salman Rushdie, India ka nxjerrë një romancier vezullues,një shkrimtar me burime mahnitëse imagjinatave dhe intelektuale, një mjeshtër të tregimtarisë së pafundme.-The New Yorkernn Një epos i mrekullueshëm...proza e Rushdie-ut hidhet befas sa para, mbrapa, . . . duke ndaluar në pamje, panorama dhe personazhe me një prani të paharrueshme. Larmia e këtyre personazheve është po aq e pasur sa edhe vetë India.-Newsweek E mbushur me jetë, me energji dhe fantazi...Rushdie është shkrimtar me guxim, fuqi mbresëlënëse dhe stil brilant.-The Washington Post Book Worldnn Emocion i pastër një shkëndijë energjie e papërmbajtur, shumë e këndshme, satirike, me stil të mençur tregimi.

Femijet E Mesnates

Një mëngjes dimri, pak para se të zbardhte, një avion i marrë peng shpërthen mbi Kanalin e La Manshit. Mes mbetjeve të gjymtyrëve, karrocave të pijeve, kujtimeve, mbulesave dhe maskave të oksigjenit, dy njerëz bien në det: Xhibril Farishta, ylli legjendar i kinematografisë indiane dhe Saladin Çamça, njeriu i një mijë zërave. Mbërthyer pas njëri-tjetrit, duke kënduar këngë të ndryshme, ata bien tatëpjetë dhe ngecin më në fund gjallë mbi rërat e mbuluara me dëborë të një plazhi anglez. Shpëtimi i tyre është një mrekulli e dyshimtë. Xhibrili fiton një aureolë, ndërsa Saladinit, për tmerrin e vet, këmbët i bëhen leshatore dhe i shndërrohen në thundra, ndërsa në tëmtha i shfaqen zgjatime në formë brirësh. Xhibrili dhe Saladini janë zgjedhur (nga kush?) si kundërshtarë në ndeshjen e përjetshme mes së Mirës dhe së Ligës. Po kush është kush? Ndërsa dy burrat gremisen në kohë dhe në hapësirë drejt përballjes së tyre vendimtare, ne bëhemi dëshmitarë të një cikli rrëfenjash dashurie dhe pasioni, tradhtie dhe besimi.

Vargjet Satanike

“Rrallë mund të ketë pasur një mishërim kaq të fuqishëm dhe barok të romanit politik sa “Turpi”. Ai mund të lexohet si një përrallë, si polemikë apo si kritikë; si histori apo si letërsi… Ky është romani si mit dhe si satirë.” Sunday Telegraph. Omar Khajam Shakili ka tri mëma që ndajnë simptomat e shtatzënisë, siç kanë ndarë gjithçka tjetër në mënyrë të pandashme. Në gjashtë gjinjtë e tyre, Omari u paralajmërua ndaj gjithë ndjenjave dhe nuancave të turpit. Ishte një stërvitje që do të dilte e  dobishme kur u largua nga fortesa e mëmave të tij (përmes ashensorit) për t’u përballur me të ardhmen e vet të paturpshme. Si një përrallë magjepsëse, si satirë politike shkatërrimtare dhe elegante, si një zbavitje e potershme “Turpi” është një roman i pashoq.”Turpi” është po aq i mirë sa “Fëmijët e mesnatës”. Është një komedi e zezë e jetës publike dhe e domosdoshmërive historike.” The Times. “Salman Rushdie është një shkrimtar i mrekullueshëm. Ai ka një imagjinatë të çlirët, një humor të vrazhdë dhe të fuqishëm. Ai e sulmon gjuhën me energji dhe pa kufizim.” Independent SALMAN RUSHDIE është autori i romaneve “Grimus”, “Fëmijët e mesnatës”, “Turpi”, “Vargjet satanike”, Haruni dhe një det me histori”, “Psherëtima e fundit e Arapit”, “Trualli nën këmbët e saj”, “Furia”, “Klouni Shalimar” dhe “Magjistrica e Firences”, i një përmbledhjeje me tregime të shkurtra dhe i katër veprave joletrare, si dhe bashkëbotues i “Libri i lashtë i shkrimeve indiane”. Ai ka marrë shumë çmime për shkrimet e tij, përfshirë Çmimin për Letërsinë Aristeoin të Bashkimit Europian. Është anëtar i Royal Society of Literature dhe Commandeur des Arts et des Lettres. Në vitin 2008, libri “Fëmijët e mesnatës” mori çmimin “Best of the Booker”, romani më i mirë që ka fituar çmimin Booker në historinë e tij dyzetvjeçare. Fatbardha N. Demi.

Lista e librave të autorit Salman Rushdie

Dy Vjet, Tete Muaj Dhe Njezet E Tete Net

Haruni Dhe Nje Det Historish

Klouni Shalimar

Femijet E Mesnates

Vargjet Satanike

Turpi

Dy Vjet, Tete Muaj Dhe Njezet E Tete Net

Haruni Dhe Nje Det Historish

Klouni Shalimar

Femijet E Mesnates

Vargjet Satanike

Turpi