Domethënien e titullit lexuesi do ta gjejë të shprehur nëpërmjet një parabole në faqen e fundit të librit. Veton Surroi merr përsipër të rindërtojë nga brenda një nga ngjarjet më të ndërlikuara përsa i përket mënyrës si u zhvillua dhe njëherësh më të rëndësishme përsa u përket rrjedhimeve në historinë e botës shqiptare të shekullit të fundit, e që është edhe shekulli i mëvetësimit të tyre nga Perandoria Otomane. Fjala është për Marrëveshjen e Ohrit, nëpërmjet së cilës shqiptarët e Maqedonisë përmbushën de jure shumë nga të drejtat themelore, të garantuara në legjislacionin ndërkombëtar, por të harruara, të mohuara ose të nëpërkëmbura në legjislacionin e Republikës së Maqedonisë. Në dijeninë time, ky është deri më sot rasti i vetëm në literaturën tonë ku gjejmë përshkrimin kronologjik dhe analitik të një negocimi qysh në zanafillë e deri në përmbyllje. Është një negocim pa precedent në historinë e gjatë të përpjekjeve të shqiptarëve për të fituar të drejtat e tyre kombëtare apo politike. Përvoja e krijuar tre vjet më parë ndër shqiptarët me kurorëzimin e luftës në Kosovë nuk mund të shërbente në këtë rast për shumë e shumë arsye, ndër të cilat do të veçoja posaçërisht kontekstin kur zhvillohen ngjarjet, shumë i ndryshëm nga ai i Kosovës së periudhës 1998-1999 në kuptimin më të gjerë të kësaj fjale. UÇK kësaj here dukej sikur kishte hyrë në një qorrsokak dramatik, çka e shtyn Veton Surroin të mërmërisë plot ankth me vete se rebelimet e tilla kanë vetëm njërin nga dy përfundimet: ose udhëheqësi vritet dhe merren me mend pasojat mbi mbështetësit e tij, ose rebelët përfshihen sinqerisht në bisedime për ta përmbyllur me zgjidhje politike rrugën e nisur me pushkë. Duhej çelur medoemos rruga për të mbërritur në përfundimin e dytë.

Libri I Fluturave

Trilogjia e shënimeve heretike nga Veton Surroi në gjuhën angleze është kompletuar me përkthimin e librit “Ambasadori i Melkizedekut”. Vepra është pjesë e shënimeve të nisura me “Këmbët e Gjarprit” dhe në librin e fundit “Gorillat që s’i pamë”.

Ambasadori I Melkizedekut

Qysh sa libri të bie në dorë, të tërheq vëmendjen  nëntitulli që autori i ka vënë librit: “Shënime heretike”! Dhe, kur vetëm pasi ke përfunduar pjesën e IV të tij, e kupton se pse autori i ka vendosur këtë nëntitull librit, i cili mund të quhet një roman politik dokumentar. Them dokumentar, pasi personazhet e tij janë realë si dhe mbështetet në ngjarje reale, sikundër është Konferenca e Rambujesë, ku edhe autori ka qenë pjesë e atij samiti. Autori e quan vepër heretike, për faktin se është i bindur, ose ka dëshirë të thirret i tillë prej lexuesit, ngaqë me vetëdije del në kundërshtim me historinë e vërtetë e të trajtuar për UÇK-në deri sot, veçanërisht kundër disa drejtuesve të saj. Si i tillë, autori i shkel, si pikëpamjet gojore, (që ai i quan folklorike) dhe ato çfarë janë shkruar deri tash për UÇK-në, por duke dalë në kundërshtim edhe me normat panegjerike të vendosura deri tani mbi historinë e UÇK-së, e cila është një çështje mjaft e ndjeshme për shumicën absolute të opinionit popullor shqiptar brenda e jashtë Kosove. Si i tillë, Veton Surroi del jashtë kësaj praktike për këtë histori të deritashme, të cilën e quan një dogmë. Për këtë qëllim ai e vetëquan veprën e tij herezi, ngaqë është pozicionuar me vetëdije kundër kësaj historie të njohur e të saktë për UÇK-në.

Kembet E Gjarprit

Në një rrëfim që i shërben edhe Serbisë, për Kosovën e viteve ’90, Surroi tha se ndjehet i lumtur që është botuar një libër i shkruar në gjuhën shqipe. 
“Jam shumë i lumtur që jam këtu pas kaq shumë vitesh dhe promovojmë një libër që është përkthyer nga gjuha që dikur këtu njihej si gjuhë e druprerësve dhe hamallëve”, tha Surroi.

Publiku serb e ka vlerësuar librin pozitivisht, por edhe rolin e tij politikë dhe promovimi ka shërbyer edhe si një kujtesë e tentimeve për paqe.

“Për ato që kanë ndodhur në Kosovë gjatë viteve ’90, nuk po flas për ngjarjet e mëdha, por se si ka funksionuar shoqëria atje, ne në fakt nuk dimë asgjë”, u shpreh Teofil Pançiç, kritik letrar.

Libri i Surroit mbylli festivalin e kulturës kosovare “Mirëdita, Dobardan”.

Lista e librave të autorit Veton Surroi

Libri I Fluturave

Ambasadori I Melkizedekut

Kembet E Gjarprit

Miliarderi

Libri I Fluturave

Ambasadori I Melkizedekut

Kembet E Gjarprit

Miliarderi