Turbulltazi shqova diçka në trajtën e një oktapodi, atë lëmsh gjymtyrësh mbërthyer pas trupit tim ne nje përpjekje dëshpëruese për t'u shkrirë e bërë njësh me mua. Nuk po mbushesha dot me fryme, e megjithate s'provoja kurrfarë paniku, përkundrazi një ëndje të embel që vërshonte si adrenalinë në çdo gjymtyrë të trupit. Edhe pse mund të tingëlloje makabritet, u dhashë i tëri pas atij përqafimi me nje deshire dhe vetëm një; të mbërrija në shtratin e rërës së mendafshtë që tanimë e shquaja më së miri dhe të mbyllja syte, jo për të dremitur, as që bëhej fjale, po për të shijuar deri në fund magjinë e asaj çka po ndodhte mes nesh. 
Në çastin që preka kokrrizat e arta të reres fergellova, u përpëlita nje here, dy, ndoshta më shumë sikur të ma përshkonin shtatin shkarkesa elektrike të njëpasnjëshme. M'u duk sikur u verbova, nuk shquaja më asgjë, nuk kisha asnjë dëshirë, as të çlirohesha nga përqafimi i oktapodit, as t'i jepja trupit sa me duar e me këmbë që të ngjitesha në siperfaqe. Jo, doja vetëm të prehesha, sa më gjatë. Pa e kuptuar u përhumba ne një tjetër botë, të panjohur e të paparë andjesh shqisore, të prekshme, jo enderrimtare, siç mund të mendoje ndokush.

Bu Si Nuk U Bera Anetar I Bibliotekes Universale

Në fund të fundit, ky libër lind nga një nevojë e hasur në një periudhë të caktuar të jetës sime, kur puna e solli që të jetoja dhe të punoja për një kohë jashtë vendit si diplomat, më konkretisht në Beograd, kryeqytetin e Serbisë. Ç'është e vërteta, vizita ime e parë në Beograd kishte pasë qenë në vitet e rinisë, s'do mend virtualisht, atëherë kur të etur për pak botë, në mungesë të RAI-t të bllokuar prej aparaturave të regjimit, më fort nga halli sesa nga malli, u shtrënguam t'i kthejmë sytë e të shihnim programet e televizionit jugosllav. Por kjo është një tjetër histori dhe tingëllon si një anekdotë për të rinjtë e mijëvjeçarit të ri për të cilët komunizmi nuk është gjë tjetër veçse një koncept, shumë-shumë një stendë diku në muzeun e historisë. Ndaj nuk po zgjatem në këtë pikë. Përvoja dhe kontaktet në kryeqytetin e Serbisë më ofruan mundësinë të kuptoj se sa pak serbët na njihnin - madje edhe më pak nga ç'i njohim ne ata - dhe, çka ishte më e keqja, shpesh golla e mosnjohjes ishte e mbushur me paragjykime gjithfarësh. Sigurisht e gjithë kjo vinte nga ajo mbyllje hermetike që na ishulloi nga fqinjët e nga bota e madhe dhe që ne e përjetuam për afro pesëdhjetë vjet. Por ky gjykim do të ishte tejet reduktiv sikur mosnjohjen e ndërsjellë ta lidhje vetëm me këtë dukuri të së shkuarës...Mendimi egoist se vetëm idetë tona projektojnë një perspektivë reale shpërfaq një retorikë të zbrazët. "Prandaj, thotë Kepleri, "orvatu ta shikosh botën nga një tjetër këndvështrim. Më kot? Ndoshta!". Ky parim i të ndryshuarit të këndvështrimit shërben edhe sot e gjithë ditën si për shqiptarët ashtu edhe për serbët; ndoshta më shumë për këta të dytët, një pjesë e të cilëve vazhdojnë të jetojnë në një botë mitesh e hyjnish pa marrë mundimin ta zhvendosin optikën e këqyrjes së dukurive në një tjetër pikë. Sikundër thotë një fjalë e urtë, nuk është e vështirë të mësosh diçka të re, e vështirë është të çmësosh të vjetrën.

INTERVISTE ME ARMIKUN

101 përrallat më të bukura nga të gjitha krahinat shqiptare të zgjedhura me shumë kujdes. Të shoqëruara me grafika tepër të veçanta të punuara me shumë dashuri nga Ardian Kapo.

Perralla Shqiptare 100+1 Nete 2

Rrëfenjat i mbështjell atmosfera e shndritshme e një periudhe të lumtur të historisë së një vendi që ka njohur më shumë gjëma e vuajtje sesa gaze e begati. Është një kohë kur oborret, qofshin të mëdha, qofshin të vogla, e princërve dhe fisnikëve arbër feksnin nga vezullimet e një qytetërimi, ku Perëndimi dhe Lindja puqeshin me tërë shkëlqimin e tyre verbues, ku binin në sy sjellje të holla dhe rrezëllimet të një qytetërimi e arti të përpunuar. Me sytë e mendjes ne mund të shohim kështjella të mrekullueshme me salla të zbukuruara e të hijeshuara, ku dëfrenin muzikantët e poetët, ku dama të hijshme hidhnin valle e u merrnin mendtë të rinjve me hiret e tyre. Kalorës, pazhë e shërbëtorë të veshur me petka të fisme, që shprehnin pasurinë dhe fisnikërinë e zotërinjve të tyre u jepnin jetë dhe gjallëri kështjellave dhe banesave të Arbrit. Kopshte mikpritëse e të lulëzuara, manastire të pasura e me murgj të ditur, qytete gjithë jetë ku lëvrinte tregtia janë disa nga dëshmitë që sjellin rrëfenjat tona dhe që përshkruajnë një jetë të qetë e të hapur ndaj kontakteve me njerëz dhe race gjithfarësoj që lundronin ujërave të Mesdheut dhe udhëtonin nga viset rreth e qark.

Erotikoni E Satirikoni

Një përmbledhje me përralla shqiptare te ndryshme, të sjella për lexuesin nga autori Virgjil Muçi. Ku ndër to do të lexoni: "Shporta, Djali, Sorra dhe...", "Dedalia dhe Katallani", "Qerosi", "Dhelpra cubele", "Petriti" etj.

Perralla Shqiptare 100+1 Nete 1

... Gëzimi bëri një tjetër pauzë dhe ngriti kokën sikur të donte t'iu bënte me dije atyre që qenë grumbulluar e mbanin vesh se teksti i kartolinës kishte mbaruar. Por e sytë e zmadhuar më shumë nga mosbesimi sesa nga habia e asaj që po iu dëgjonin veshët, dukej sikur thoshin: Kaq shpejt?! I brengosur që s'po dinte si ta shprehte, Gëzimi i rrëzoi sytë rishtazi mbi kartolinë dhe si bërbëliti e tha diçka nëpër dhëmbë, foli me zë të lartë: -...Tdu shum. I,yti Mark.”...

Piramida E Shpirtrave

"Bëhuni pjesë e argëtimeve të kafshëve të fermës. Në këtë libër me tinguj fantastikë do të takoheni me fermerin Xhim e kafshët e tij, teksa vozitin në garën e liqenit.  Ata zhvillojnë një sërë lojrash në fushë dhe, në fund, e mbyllin me një ndeshje futbolli. 
Me 18 meloditë e mahnitshme që përmban ky libër i pazakontë, përveç ëndjes së leximit, fëmijët do të argëtohen duke shtypur butonat. ".

Kafshe Te Hareshme Me 18 Melodi

Ernest K., shkrimtar dhe studiues i krijimitarisë popullore shqiptare, gjendet i përfshirë në një situatë të çuditshme të formimit dhe ngritjes së një kënge popullore.  Shkrimtarin e kanë ftuar të shohë ngjizjen e një kënge, që një miku i vet malësor ia kushton gruas të së vëllait të vdekur, pikërisht se ajo ishte sjellë si heroinë duke vrarë një burrë që kërkonte t’i merrte nderin. 
Paçka se gjithçka duket e pastër si drita e diellit dhe këngëtari popullor duhet vetëm të hedhë në letër trimërinë e pashoqe të gruas, disa veprime thuajse të padukshme për një sy të pastërvitur, do ta shtyjnë Ernest K.-në, të kthehet gati në një  dedektiv, ai kërkon të shohë përtej legjendës, kërkon të gjejë të vërtetën që gjendjet pas patosit dhe epikës së kësaj kënge. Çfarë fshihet në të vërtetë pas kësaj? Cili është mëkati që kërkojnë të mbulojnë? Dhe kjo gjë do ta bëjë të mendojë për qenësinë dhe vërtetësinë  e legjendave të “Rozafës” dhe të “Kostandinit e Doruntinës”. Vërtet Rozafa u muros e gjallë për të mbajtur në këmbë kështjellën? Vërtet Kostandini e martoi të motrën larg për hir të miqësisë dhe i dha besën se do ta sillte sa herë që nëna të kish nevojë? 
Shkrimtari tashmë rrëmon në ndërgjegjen kolektive të popullit për të dhënë një këndvështrim tjetër nga ai që jemi mësuar të shohim prej shekujsh.
Ky është një libër që do të shkaktojë debate të shumta mbi vërtetësinë e legjendave. A janë, vallë, patriotizmi, besa, flijimi dhe vetsakrifikimi për hir të atdheut thelbi i vërtetë i tyre?

Mekati Fillestar

Natyrë mort me kulturë, është një përmbledhje esesh, të cilat shtrihen brenda ekspertizës dhe aktivitetit letrar të autorit.

Lista e librave të autorit Virgjil Muci

Bu Si Nuk U Bera Anetar I Bibliotekes Universale

INTERVISTE ME ARMIKUN

Perralla Shqiptare 100+1 Nete 2

Erotikoni E Satirikoni

Perralla Shqiptare 100+1 Nete 1

Piramida E Shpirtrave

Kafshe Te Hareshme Me 18 Melodi

Mekati Fillestar

Natyre Mort Me Kulture

Bu Si Nuk U Bera Anetar I Bibliotekes Universale

INTERVISTE ME ARMIKUN

Perralla Shqiptare 100+1 Nete 2

Erotikoni E Satirikoni

Perralla Shqiptare 100+1 Nete 1

Piramida E Shpirtrave

Kafshe Te Hareshme Me 18 Melodi

Mekati Fillestar

Natyre Mort Me Kulture