5 Libra Frymëzues për Adoleshentë që Duhet t’i Lexoni këtë Vit

Njeqind vjet vetmi

Një kryevepër absolute e letërsisë botërore, tashmë më në fund e përkthyer në shqip nga origjinali në spanjisht. Ky roman magjik ndjek historinë e familjes Buendía dhe qytetit të imagjinuar të Macondo, përmes brezave që luftojnë me dashurinë, vetminë dhe fatin. Ky libër i ndihmon të rinjtë të kuptojnë ciklet e jetës, rëndësinë e kujtesës dhe ndikimin që zgjedhjet e familjes kanë në identitetin tonë. Një lexim që të bën të mendosh thellë dhe të hap horizontet kulturore.

Ditari i Ana Frankut

Një nga dëshmitë më prekëse dhe të sinqerta të jetës gjatë Holokaustit, shkruar nga një vajzë e re që fshihej me familjen e saj për të mbijetuar. Ky ditar nuk është thjesht histori; është një pasqyrë e ndjenjave të një adoleshenteje që sfidon frikën me shpresë. Ai i mëson të rinjve ndjeshmërinë, qëndrueshmërinë dhe fuqinë e zërit të tyre edhe në kohë të errëta.

Tregime per djem qe guxojne te jene ndryshe

Ky libër rrëfen historitë e 100 burrave që sfiduan normat e zakonshme gjinore dhe arritën sukses pa dhunë apo imponim. Ai frymëzon djemtë të ndihen të lirë të jenë vetvetja. Sepse ndihmon të rinjtë të kuptojnë se forca nuk qëndron vetëm në muskuj apo agresivitet, por edhe në butësi, kreativitet dhe guximin për të qenë ndryshe. Një antidot i fuqishëm kundër stereotipeve.

Arti i te qenit adoleshent

Një libër i lehtë për t’u lexuar, por i mbushur me këshilla praktike dhe humor për të përballuar jetën si adoleshent. Ai të mëson si të jesh pozitiv, autentik dhe i sigurt në veten tënde. Në një botë që shpesh përpiqet të të bëjë të ndihesh i vogël, ky libër të kujton se je i mrekullueshëm ashtu si je. Një udhëzues i domosdoshëm për çdo adoleshent që kërkon të rritet me vetëbesim dhe qartësi.

Babai i pasur, babai i varfer per adoleshentet – LG

Bazuar në bestsellerin ndërkombëtar, kjo version i dedikuar adoleshentëve shpjegon në mënyrë të thjeshtë dhe tërheqëse konceptet bazë të parasë, investimeve dhe të menduarit ndryshe për suksesin. Sepse askush nuk na mëson në shkollë për menaxhimin e parasë apo pavarësinë financiare. Ky libër është një start i shkëlqyer për t’u përgatitur për botën reale.