Max Weber (1864 – 1920), ekonomist i shquar dhe njëri nga themeluesit kryesorë të sociologjisë moderne dhe sociologjisë së fesë. Konceptet, analizat dhe teoritë e tij kanë arritur të kenë një domethënie universale në historinë e kësaj shkence, aq sa ai sot njihet si njëri nga sociologët më të mëdhenj të të gjithë kohërave. Veprat, studimet, esetë apo leksionet e tij (prej të cilave në këtë libër janë përzgjedhur më kryesoret) kanë arritur të ndikojnë më shumë se çdo mendimtar tjetër në analizën dhe kuptimin e botës moderne, të mënyrës së supremacisë së funksionimit të saj. Ndërkohë që si ekonomist, vepra e tij më e famshme është "Etika protestante dhe shpirti i kapitalizmit".