Xhemail Ali Peci është një poet me zemër të madhe. Në poezinë e tij gërshetohen harmonishëm erudicioni dhe nderimi i thellë për patriotikën. Vargjet e Pecit janë mirënjohëse për mendjet e ndritura të kombit tonë dhe të njerëzimit, për patriotët shqiptarë që sakrifikuan gjithcka për çështjen kombëtare, si dhe miqtë e huaj që na kanë ndihmuar në momentë kyçe kur është ynë pikëpyetje ekzistenca jonë si komb. Poezia e Pecit mund të tingellojë, dhe ndoshta është, disi romantike dhe idealistë. Peci me vargun e tij na kujton se romantizmit dhe idealizmit nuk u kalon koha kurrë. Zgjimi dhe ndërgjegjësimi i kombit tonë, një proces i vështirë që akoma nuk ka arritur pjekurinë e duhur, u fillua nga romantiket idealistë si Konica dhe Noli. Poezia e Pecit është një kujtesë që na behet në momentin e duhur se të jesh romantik dhe idealist në rrethanat që po kalon Kosova dhe kombi shqiptar është të jesh realist dhe se cfarë duhet berë për të reflektuar për atë se ç'kemi arritur si komb dhe për të parandaluar dështimet kur akoma nuk eshtë shumë vonë.