Kjo enciklopedi e rrallë, me plot 320 faqe të ilustruara dhe me informacione që përfshijnë shumë fusha të jetës, periudha kohore dhe kontinente të tëra, do të intrigojë dhe do të nxitë fantazinë e çdo lexuesi. Teksti i qartë dhe i pasur, ilustrimet aq të këndshme e nganjëherë gazmore, e bëjnë këtë libër mjaft interesant për këdo që e merr në dorë. Që nga misteret e faraonëve të Egjiptit dhe mitet tërheqëse të grekëve të lashtë, deri te mrekullitë e natyrës, nga yjet dhe planetët, te vullkanet shpërthyese, shkretëtirat dhe kafshët që banojnë në planetin tonë... “Libri i madh i diturisë” do të jetë një burim i përsosur për t’u kthyer përgjigje të qarta e të përmbledhura pyetjeve të fëmijëve.