Romani “Dymbëdhjetë”, sjell te lexuesit një histori të cilën secilit prej nesh i duket se mund ta “prekë” vetëm me një zgjatje dore, por që njëherësh e ka të pamundur ta besojë. E vërteta është që njerëz të ndryshëm ndërveprojnë në këtë histori nëpërmjet “komunikimit” që kanë bërë me personazhin kryesor, Lek Drini në Facebook. Legjenda shqiptare thotë se Konstandini u ngrit nga varri që të përmbushte amanetin e të ëmës për t’i sjellë Doruntinën, kur atë ta merrte malli. Është pikërisht malli, ai që nxit vëllain e Lekës për të nisur një aventurë, që për pak do t’i kushtojë shtrenjtë. Ai e “ringjall” Lekën përmes Facebook-ut dhe për çdo ditë e ushqen jetën virtuale të vëllait duke gërryer botën reale të vetes dhe të miqve, duke përfshirë edhe familjen e tij. Sa më i gjallë e i përditshëm bëhet Leka, aq më ndjeshëm transformohet dhe vuan vëllai i tij. Por në lojë tashmë kanë hyrë edhe të tjerë. Vallen e heq Eda, një vajzë e pafajshme dhe bukuroshe, e cila pasi njihet me “princin” e saj, përjeton një sërë të papriturash befasuese. Romani është një lundër e vogël e ngarkuar plot me personazhe, që zgjaton në kohë e në hapësirë, duke kaluar mes botës reale dhe asaj virtuale, siç kalonte Odisea homerik mes Shiltbes e Kartibes.