Në jetë, kryesorja është të gjykosh për gjithçka a priori. Ç'është e vërteta, duket se masat e kanë gabim dhe se individët kanë përherë të drejtë. Nga kjo duhet të ruhemi se mos nxjerrim ca rregulla se si të sillemi: që të zbatohen, këto nuk lypset të kenë nevojë që të shkruhen e zezë mbi të bardhë. Ekzistojnë vetëm dy gjëra: dashuria me vajzat e bukura, gjithsesi, dhe muzika që luhet në Nju Orleans ose ajo e Djuk Ellingtonit. Ç'mbetet do të duhej të zhdukej, sepse ç'mbetet është e shëmtuar dhe këto pak faqe tërë forcën e tyre bindëse e gjejnë te fakti se ngjarja që rrëfejnë është krejt e vërtetë, meqënëse unë e kam imagjinuar atë nga fillimi deri në fund. Sendëzimi i saj i mirëfilltë qëndron kryesisht në një projeksion të realitetit, përmes një atmosfere të tërthortë e të nxehur, në një rrafsh preferencial të valëzuar pa rregullsi dhe me shtrembërime.