Libri “Çizmet e Verdha” është një përmbledhje shkrimesh për ditët tona, një prozë delikate që i ofrohet klientëve të çmuar të “Mulliri Vjetër” me dëshirën për të pirë një kafe në shoqërinë e rreshtave ku shumë njerëz do ta gjejnë veten. Kjo vepër e autores Arlinda Çausholli është një rrugëtim vëzhgimesh dhe mejtimesh në një realitet që i fsheh virtytet, dashurinë dhe historinë e individit dhe shoqërisë; është një kërkim drejt të vërtetash të mëdha në jetët e thjeshta të njerëzve, në një mjedis ku vlerat janë të pazëshme. Janë histori të vogla, por me mesazhe të mëdha.