Emmanuel Lévinas është filozofi i etikës dhe padyshim moralisti i vetëm i mendimit modern. Por, atyre që e konsiderojnë specialist të etikës, si të ishte etika një specialitet, këto pak faqe para leximit të veprave u mësojnë tezën thelbësore, që etika është filozofia fillestare, nga e cila fitojnë kuptim degët e tjera të metafizikës. Sepse problemi i parë, ai në të cilin qenia shqyhet, dhe njerëzorja themelohet si "ndryshe nga të qenët" dhe si transhendencë e botës, ai pa të cilin çdo pyetje a problem tjetër i mendimit nuk është më shumë se kotësi dhe ndjekje e erës, s'është tjetër veçse problemi i drejtësisë.