"Shija e bukes se mbrume", nje rrefim midis legjendes dhe realitetit. Pikepamjet e Koliqit per mergaten shqiptare ne Itali dhe Amerike dhe perpjekjet e tyre ne vitet e luftes se ftohte 1945-1960. Romani u botua me pseudonim ne mergim ne vitin 1960. Ernest Koliqi e nisi rrugen letrare me skica poetike ("Pasqyra e Narcizit"), me permbledhje tregimesh ("Tregtar Flamujsh" dhe "Hija e Maleve"), me poezi, kritika, drame, ("Rrâjet levizin"), studime, perkthime dhe e perfundoi me romanin "Shija e bukes se mbrume". Ne kopertinen e botimit te pare Rome, 1960, figuron emri Hilush Vilza, pseudonim i Ernest Koliqit, te cilin e perdorte shpesh ne kryeartikujt e revistes "Shejzat". Romani u ribotua nga Camaj-Pipa ne Shkoder me 1997, çka i dha mundesi publikut shqiptar te njihej me te. Nuk dime qe autori te kete shkrojtur ndonje roman tjeter, madje fakti qe e botoi me pseudonim, na shtyn te besojme se ishte i vetedijshem qe vepra do te ngjallte diskutime e kritika per mendimet politike te avancuara per kohen, ashtu sikurse ngjau vertet kur u botua pjese-pjese te revista "Shejzat". Rralle here veprat letrare shoqerohen me parathenie nga autori. Kjo ndodh vetem ne ato raste, kur ata e gjykojne te domosdoshme t'i japin lexuesit shpjegime per t'ia qartesuar kumtin qe percjellin dhe per t'u vene prite verejtjeve dhe interpretimeve pa baza.