A është mali Tomor, treva ku Dodona Pellazgjike ka nismën e vet? A është mali mitik shqiptar, pika që sot vizitohet nga qindra mijë pelegrinë, vendi ku Dodona Pellazgjike ka “banesën” më të hershme se gjetjet arkeologjike në Janinë? Cilët ishin fiset që banonin rreth Malit të Shenjtë, në periudhën e hershme dhe cilat janë lidhjet e vazhdimësisë, sipas studiueseve dhe gjetjeve arkeologjike? Këto e të tjera përgjigje të pyetjeve jep libri i ri me titull “Profecitë e Zotit të Tomorit”, një vepër studimore ku autori Ilir Cenollari sjell tek lexuesi me burime historike nga autorë të lashtësisë dhe të ditëve tona.