Synimi i këtij kërkimi është të hulumtojë pikërisht këtë no man’s land mes së drejtës publike dhe faktit politik, mes jetës dhe rendit juridik. Vetëm duke ngritur vellon që e mban të mbuluar këtë zonë të errët mund të shpresojmë t’i afrohemi sadopak kuptimit të asaj çka luhet te dallimi – ose pseudo-dallimi – mes politikes dhe juridikes, mes së gjallës dhe së drejtës. Dhe ndoshta vetëm atëherë do të bëhet e mundur t’i përgjigjemi pyetjes që kumbon pareshtur në tërë historinë e politikës perëndimore: ç’do të thotë të veprosh [agire] politikisht?