Kur Miriami, nënë e dy fëmijëve të vegjël, pavarësisht ngurrimeve të të shoqit, vendos që ta rifillojë veprimtarinë e saj në gjirin e një studioje ligjore, çifti vihet në kërkim të një dadoje. Pas disa intervistash të rrepta, ata punësojnë Luizën, e cila fiton shumë shpejt dashurinë e fëmijëve dhe pak nga pak zë një vend qendror në vatrën familjare. Dalëngadalë fillon të mbyllet kurthi i varësisë së ndërsjelltë, e cila do të shkojë deri në dramë.Përmes përshkrimit të saktë të çiftit të ri dhe të personazhit magjepsës dhe misterioz të dados, është e tërë epoka jonë që del në dritë, me konceptimin e saj të dashurisë dhe të edukimit, të raporteve të sundimit dhe të parasë, paragjykimeve klasore apo kulturore. Stili shterues dhe i prerë i Leila Slimanit, ku nxjerrin krye ca shpërthime poezie të zymtë, vendos që në faqet e para një mbajtje pezull mbërthyese.