Romani “Mater 2-10” i njërit nga shkrimtarët më të mëdhenj të Koresë së Jugut, Hwang Sok-yong, ishte përfshirë në listën për Çmimin Ndërkombëtar Booker 2024, një nga çmimet letrare më prestigjoze në botë. Kjo është hera e dytë që Hwang është përfshirë në listën për fitimin e këtij çmimi. Në vitin 2019, romani “Në muzg”, ishte kandidati kryesor për fitimin e tij.Romani “Mater 2-10”  është “një rrëfim epik, I shumë brezave dhe përmbledh gati një shekull histori të Koresë. Hwang Sok-yong u frymëzua nga vizita e tij në Phenian në vitin 1989, kur takoi një burrë të thyer në moshë, i cili i rrëfeu atij historinë e vetes dhe të babait të tij që punonin në sistemin e hekurudhave të Seulit. I përqendruar në tre breza të së njëjtës familjeje, ku një punëtor fabrike i pushuar nga puna, proteston prej disa kohësh i ulur në majën e një oxhaku të lartë, “Mater 2-10”, me nëntitull në koreanisht “Tre breza punëtorësh hekurudhe”, përshkruan jetën dhe ngjarjet e koreanëve të zakonshëm, që fillojnë nga epoka koloniale japoneze dhe shtrihen deri në shekullin e 21, duke kapur një periudhë gati 100 vjeçare.