Fjalori i Ligjeve i Henry Campbell Black (Henri Kembëll Blek) e përkufizon konspiracionin si "një kombinim ose komplot i thurur mes dy ose më shumë personave me qëllim që të kryejnë me përpjekjet e tyre të përbashkëta një akt të paligjshëm ose kriminal." Kjo është e tëra, me pak fjalë – ndaj dhe mrekullia e gazetarisë moderne është se pothuajse çdo sugjerim i një komploti aktiv provokon akuza të menjëherëshme dhe të pamenduara për "paranojë", "ekscentricitet" ose "çmenduri delirante." Në fakt, ne jemi të rrethuar nga komplote çdo ditë, në mbarë botën, në çdo hap të jetës. Sa herë që një çift hajdutësh shkojnë për të vjedhur dyqane, ka një komplot. Kudo ku prostitutat dhe shpërndarësit e drogës takohen me klientët dhe konsumuesit e drogës, komplotet lulëzojnë dhe shumohen. Sa herë që ofrohet dhe pranohet një ryshfet, kudo ku kriminelët ose politikanët e korruptuar thurrin marrëveshje të paligjshme në prapaskenë për përfitimin e tyre, kudo ku policia mbyll sytë kur kryhet një krim - aty qëndron konspiracioni.