Kush nuk do të donte të jetonte në Londrën e fillim-shekullit të 19-të, me ballo dhe festa? Rebeka Sheridan do ta pëlqente, sepse shekulli i njëzet e një-të është shumë i ngushtë për të: jetë plot tension, hapësirë vetjake dhe të dashur: zero. A është e mundur që askush të mos dijë të tërheqë një vajzë? Asaj i pëlqen të marrë pjesë në evente ku rijetohen zakonet e aristokracisë angleze të shekullit XIX. Gjatë njërit prej tyre, ndodh diçka e pashpjegueshme: Rebeka e gjen veten në Londrën e vitit 1816. Pasi tronditja fillestare kalon, ajo e kupton se ka një mundësi të vetme: të jetë pretendente për martesë me të rinjtë e shoqërisë së lartë. Megjithatë, ajo tërheq vëmendjen e mashkullit më pak të rekomandueshëm në Londër: Reedlan Knox, një individ me sharm të errët dhe reputacion skandaloz, me pak fjalë, lloji i burrit me të cilin një zonjë e re, e respektuar nuk duhet të takohet. Por kur Rebeka zbulon sekrete dhe komplote të dyshimta të aristokracisë, ndjenja e saj e drejtësisë e detyron atë të hetojë. Por, i vetmi që tregohet i gatshëm të rrezikojë për të është Reedlan Knox. Po sikur, korsari të jetë më interesant se zotëria për të cilën ka ëndërruar gjithmonë? Të vendosësh nëse do të kthehesh në të tashmen apo të qëndrosh në vitin 1816 mund të bëhet një zgjedhje e vështirë.