Në këtë libër, Gray argumenton se idetë politike që i kanë dhënë formë kohës sonë janë surrogate të ideve fetare. Sipas autorit, këndvështrimi konvencional për idenë e progresit njerëzor është i gabuar. Besimi te progresi mbështetet te miti i një utopie të realizueshme brenda Historisë, diçka që e ka karakterizuar në mënyrë thelbësore epokën moderne në Perëndim. Ai kritikon fuqimisht iluminizmin dhe neoliberalizmin, duke i parë këto si variante shekullare të mitit të Aplokalisit. Në këto variacione të mitit, brenda historisë njerëzore gjërat do vijnë duke u përmirësuar, konfliktet dora-dorës do të zgjidhen dhe do mbërrijmë kështu në fund të Historisë.