Osip Mandelshtam (1891-1938) është figurë qendrore jo vetëm e poezisë moderne ruse, por dhe e asaj botërore, si autor i disa prej vargjeve më mbresëlënëse e ndikuese të shekullit XX. Bashkëkohës i Ana Ahmatovës e Boris Pasternakut, pikë referimi për mjeshtra të mëvonshëm si Paul Celan apo Robert Lowell, Mandelshami ishte ndër nxitësit kryesorë të "revolucionit të fjalës në fillimet e shek. XX, në Shën Petërburg. Politikisht jokonformist, Mandelshtami fitoi shpejt armiqësinë e regjimit stalinist, duke i kaluar vitet e fundit të jetës midis ekzilit dhe gulagut, ku dhe gjeti vdekjen në moshën 47 vjeçare.