Me dëshirën për të arritur deri tek e vërteta, u nisa rrugës së alegorisë dhe sqarova fshehtësitë - kinse po rrëfej ndonjë tregim. O Zot! Nëpërmjet Lejlës nisa të shpjegoj atributet e Tua; ndërsa me gjuhën e Mexhnunit shpreha nevojën time për Ty dhe u luta pandërprerë... O Zot! Lejla e sekretit të Realitetit u desh të shihej nga pas perdes së njëshmërisë (vahdeh), të zbukurojë gjithësinë lëndore me pasqyrimin e bukurisë, e shpirti i Mexhnunit, duke shëtitur nëpër shkretëtirë, të shohë këtë bukuri e t'ia nënshtrojë vullnetin kësaj bukurie.