Është Babë Dudë Karbunara, delegati i Beratit. Me një shami të kuqe i fshin fshehurazi lotët që rrjedhin kundër vullnetit të tij. Qysh mos të qajë i mjeri plak? Zemra e tij s'mund ta përfshijë gjithë gëzimin e kësaj dite. Një jetë të gjatë e priti këtë çast, për të cilin kish predikuar pa dëshpërim dhe tani e sheh me sy!"Të falem, o Zot! Për këtë ditë të lutesha që të ma zgjatje jetën. Tani e pashë, mund t'i mbyll sytë! Le të jetë i përjetshëm efekti i këtyre nënshkrimeve!".