“Mëngjes te Tiffany” është ndër librat më të përfolur të shekullit XX. E shkruar nga Truman Capote, një ndër emrat më kontraversialë të artit amerikan, kjo novelë arriti famë mbarëbotërore, famë e cila u stimulua edhe nga ekranizimi i këtij libri dhe nga loja e yllit hollivudian Audrey Hepburn. Një roman i këndshëm që tërheq çdo tip lexuesi dhe që jetën e përditshme e të zakonshme e shndërron në art. “Mëngjes te Tiffany” nuk është vetëm historia e Hollit, por e çdo vajze që i tejkalon konvencat shoqërore dhe e jeton jetën ashtu siç ka dëshirë. Novela është përkthyer nga Elvana Zaimi-Tufa.