Përmbledhja e këtushme përmban në pikënisje dy ese hyrëse që i kemi shkruar posaçërisht për të, dhe që janë për rrjedhojë të pabotuara më herët. Ato përbëjnë një të tretën e vëllimit. Të tjerat janë artikuj ose konferenca, në pjesën më të madhe të pagjetshme, të botuar në Francë ose jashtë saj. Si të parët edhe të dytat i përkasin periudhës mes vitit 1903 dhe 1923. I qasen kryesisht metodës që ne besojmë se duhet t'ia këshillojmë filozofit. Me shku në origjinë të kësaj metode, me përkufizu drejtimin që ajo vulos mbi kërkimin, ky është veçanërisht objekti i dy eseve që përbëjnë hyrjen.