"Këmisha", i autorit Glori Husi, është një vëllim me tri tregime të përzgjedhura. Me një gjuhë të thjeshtë e të pasur artistikisht, autori sjell rrefime të larmishme për shijet dhe preferencat e lexuesit. Karakteret, emrat, vendngjarjet dhe cilësimet jané trillim i autorit dhe çdo ngjasim me persona realë është thjesht përkim i rastësishëm. Ky botim i ri nga autori, vjen për lexuesit shqiptarë pas suksesit me novelën "Varrimi i një armiku të popullit". Si përherë, kur kthehem pas shumë vitesh, qyteti m'u duk edhe më i plogësht sesa herën e fundit. I ngathët, i topitur, pa gjallëri. Të njëjtat fytyra, me të njëjtin vështrim, të ulur në të njëjtat pezule, si përpara njëzet e pesë vjetësh, kur unë, i ri, vrapoja me entuziazëm nëpër kalldrëmet e rrugës për në shkolle. Atëkohë, i shihja si figurante interesante në sfondin e dramës së papërsëritshme, në të cilën protagonist isha vetë. Por, tanimë, ato ngjanin të ndryshkura, të lodhura, jashtë kontekstit kohor dhe frymës se përgjithshme të komedisë, me protagonist femijërinë tonë... ("Ndoshta ngaqë janë rrudhur? S'di të them!").