Im atë, autori i këtij libri, është një hokatar gjuhëmprehtë, por dashamirës; fshikullues dhe parimor. Njëri nga parimet e tij është bindja e patundur se nuk gjen dot asnjë vështirësi, prapësi, a pikëllim që të mos mbartë me vete komizëm, një absurditet të brendshëm, që nuk mund të mos të ta vërë buzën në gaz. Dhe kjo bindje e tij, që unë e marr gjithmonë si sugjerim për të ndërruar këndvështrim, përbën një nga mësimet më të shëndetshme.