Vepra 1: Poezia është menduar që të përfshijë gjithë lëndën poetike të mbrujtur nga Zef Zorba, si krijimtarinë vetjake, ashtu edhe poezinë e shqipëruar prej tij nga poetë të ndryshëm që përzgjodhi. Vepra botohet me rastin e 100-vjetorit të lindjes së autorit. Ajo ndahet në dy libra: libri i parë, Buzë të ngrira në gaz, përmbledh poezinë e krijuar nga Zorba dhe libri i dytë,... ndonjë varg nga poetë të tjerë.... përfshin poezinë e përkthyer nga ai. Librat janë konceptuar si më vete, por që mbështillen nga një veshje e përbashkët, mbulesa. Ky lloj hartimi u mendua si i tille nga një pikëpamje praktike, duke pasur parasysh edhe entuziastin e poezisë, edhe studiuesin e saj. Në librin e parë, që përkon me botimin e tretë të librit Buzë të ngrira në gaz, përveç poezive që janë futur në botimet e mëparshme, janë shtuar poezi që botohen për herë të parë, të cilat jane gjetur viteve të fundit nga bijat e tij. Një pjesë prej këtyre poezive janë përkthime të krijimeve të Zorbës të bëra ne italisht prej tij.