Edhe pse është shkruar një shekull më parë autori Necati Cumali me forcën e talentit dhe me profesionalizëm estetik ka ditur të shkruaj realitetin e jetuar të kohës, duke parë nga e ardhmja. Është një libër që ka të ndërthurur me finesë patriotizmin me lirikën e një rajoni që gjeneron vitalitet edhe pse historia ka qenë kundër ndër shekuj. Cilido që lexon këtë vepër përpos përshkrimit lirik të vendlindjes, lumit, peisazhit të butë por edhe të egër, mëson nga tregimet se grindjet etnike nuk kanë fitues dhe të gjithë do jenë të humbur nga këto grindje shekullore, por ajo që e përshkon si mesazh përçues është se dhuna dhe krimi etnik nuk mund të zgjasin pambarim. Personazhet e librit kanë krenarinë ballkanase dhe si të tillë ata nuk e njohin kulturën e nënshtrimit.