Një poezi që thotë shumë, sa të lë pa fjalë. Që nuk mund të komentohet, vetëm të shijohet! E që ndjehet e paqme në vargun e këtij liriku fin. Lirizmi ka mbirë në fjalën e tij, me vargje që kanë fuqinë të të ngrenë nga varri. Ky poet sjell magjinë poetike, me melodinë e vargjeve që fshehin dhe zbulojnë drithma të poezisë që flet me universin! Me aksent modern e me brumë folk, me mjegulla transparente, me cicërima zogjsh, me kripëzime deti e reflekse vibruese, të arta e argjend nën dritën e hënës apo nën rrezet e diellit dhe përsëri mistike e me bukuri tronditëse!