Megjithëse e shkruar në një kohë të shkurtër dhe në interval të përpunimit të veprës madhore të tij, “Perëndimi i idhujve” mbetet një sintezë e mprehtë dhe lakonike e mendimit niçean. Në kapitujt e këtij vëllimi gjendet qëndrimi i Niçes mbi shumë dukuri të jetës njerëzore, shprehet filozofia e tij në formë sintetike dhe trajtohen ato çështje që preokuponin më tepër filozofin e madh. Përkthimi i kësaj vepre vjen nga përkthyesi Qemal Velija dhe shoqërohet edhe me një shënim biografik të autorit.