“Realiteti dhe mundësia e luftës” është një përmbledhje me ese që kanë si tematikë qëndrore luftën, trajtuar në aspektin e gjerë politik, përfshi të ashtuquajturat “marrëdhënie ndërkombëtare”.Lufta është një formë e caktuar e këtyre marrëdhënieve, të cilat janë para së gjithash dhe mbi të gjitha marrëdhënie ndërshtetërore. Siç sugjeron edhe përqasja e famshme e Clausewitz-it: lufta si një vazhdim i politikës dhe si një instrument i mirëfilltë politik i shtetit. Në këto ese është shqyrtuar jo vetëm kjo tezë e Clausewitzit, por edhe shembuj konkretë luftrash të ndryshme, të cilat e mishërojnë atë. Kjo ka bërë të mundur që, përmes luftës, të kalohet në politikën ndërkombëtare dhe në fushën e gjeopolitikës, të artikuluara këto të fundit jo vetëm parimisht, por edhe historikisht, përmes shembujsh, duke filluar nga koniktet e kohërave të Napoleonit e deri tek ato të sotmet, si ai aktuali i luftës së Ukrainës.

REALITETI DHE MUNDESIA E LUFTES

Në këto ese brilante dhe thellësisht intime, Kristoffer Leandoer na fton të ndjekim gjurmët e letërsisë që lind në lëvizje — ndërmjet mërgimit dhe kthimit, ikjes dhe mallëngjimit për një shtëpi që s’mund të jetë më si më parë. I shkruar me një ndjeshmëri të rrallë ndaj humbjes, gjuhës dhe endjes së njeriut nëpër hapësira e fjalë që nuk i përkasin më, ky libër na udhëheq nga ekzili i Ovidit në brigjet e ftohta të Detit të Zi te biblioteka lëvizëse e David Bowie-t, nga arratia e heshtur e Shirley Jackson te kthimi i pamundur i Henry James — për të na kujtuar se letërsia është gjithnjë një udhëtim prej nga dalim të ndryshuar.Libri është gjithaq një meditim mbi shkrimtarin si “i huaj” — si endacak i përhershëm, që kërkon një gjuhë ku të mos jetë kurrë plotësisht në shtëpi. Në këtë gjakim për një atdhe tjetër, për një tekst më të vërtetë, për një dhomë të fshehtë ku njeriu mund të struket e të shpëtojë, letërsia shfaqet si dëshmi, si strehë e si mundësi për mbijetesë.Përkthyer me finesë e kujdes nga Entela Tabaku dhe Shqiptar Oseku, @gjeli__modern botimi i BERK, me mbështetjen e Swedish Arts Council, sjell në gjuhën shqipe një vepër që flet për çdo lexues që ka ndjerë ndonjëherë mallin për të pamundshmen — dhe për të shkruarin si formë e arratisë më të thellë.

GJAKIME KTHIMESH, GJAKIME IKJESH

Në kohën kur moshatarët e tij përgjithësisht i kanë rrëmbyer rrjetet sociale, duke praktikuar bërjen apo shikimin e videove të shpejta e të shkurtra, Aladin Stafa qëndron stoik me publicistikën e tij. Një zë modest, por i vërtetë, që shkruan e gjen hapësira për t'u publikuar e për t'u lexuar. Rrugëton nga gjeopolitika te sporti dhe përveçse shfaq crudicionin e tij, kërkon me ngulm të bëhet zë i fortë në tregun e opinionbërjes, ku zakonisht bërrylat e vjetër nuk u lënë radhë emrave të rinj. Aladini e ka të qartë misionin e tij dhe betejat do t'i fitojë vetëm duke shkruar e duke bërë analiza të ftohta për ngjarje të nxehta...Edi ManushiAutor, moderatorNë të vërtetë, nuk qe një rastësi, siç ndodh jo vetëm me të rinjtë, por edhe me ne. Kënaqësi të momentit, diçka që mund të mbetej atje. Më vonë, tek i shihja me kujdes shkrimet e tij, vura re se ky djalosh, një student i qeshur dhe i dashur, i ktheu ato në një proces të thelluar mendimi të koncentruar dhe gjithëpërfshirës. Diçka që nuk haset shpesh në ditët e sotme te (jo vetëm) moshatarët e tij. Shkrimet apo esetë janë angazhime jo vetëm personale. Ato janë pjesë e një ndërgjegjeje qytetare, që zgjon admirim dhe shqetësim. I vlerësoj si vëmendje ndaj realitetit që Stafa përjeton dhe që nuk e lë aspak indiferent. Një vëzhgim interesant nga një brez tjetër, prej një epoke të re, të cilën pa dyshim duhet ta marrim në konsideratë.Ilir PaçoGazetar, piktor.

PERBALLE NJE BOTE E REALITETI SFIDUES

Origjina e gjuhëve nuk qëndron te nevojat e para të njerëzve: do të ishte absurde nëse arsyeja që i ndan ata, do të prodhonte edhe mjetin që i bashkon. Nga vjen, pra, kjo origjinë? Nga nevojat morale, pasionet. Të gjitha pasionet tentojnë t'i bashkojnë njerëzit, por nevoja e sigurimit të jetesës i bën t'ia mbathin nga njëri- tjetri. Nuk është as uria, pra, e as etja, por dashuria, urrejtja, mëshira, inati, të cilat nxorën prej njerëzve fjalët e para.

ESE MBI ORIGJINEN E GJUHEVE

Njëmbëdhjetë kapituj për njëmbëdhjetë momente të jetës së saj, nga vajza e vogël që përpin librat në Hungari në shkrimin e romaneve të parë në frëngjisht. Fëmijëria e lumtur, mjerimi i pasluftës, vitet e vetmisë në konvikt, vdekja e Stalinit, gjuha e nënës dhe gjuhët armike që janë gjermanishtja dhe rusishtja, arratisja në Austri dhe mbërritja në Lozanë, me foshnjën e saj. Këto histori nuk janë të trishta, por tuhafe. Fjali të shkurtra, fjalë e duhur, kthjelltësi e prerë, humor, krejt bota e Agota Kristof-it gjendet këtu, si në rrëfimin e jetës, ashtu edhe në romanet e saj.

ANALFABETJA

QYTETI DHE LETERSIA : ESE

Dante Dhe ne

Ndërkohë që shkruaj, njerëz shumë të civilizuar janë duke fluturuar lart, duke u përpjekur të më vrasin. Ata nuk ndjejnë ndonjë armiqësi kundrejt meje si individ, as unë kundrejt tyre. Ata janë "vetëm duke bërë detyrën e tyre", siç thotë shprehja. Shumica e tyre, pa dyshim, janë njerëz me zemër të mirë dhe të bindur ndaj ligjit, të cilët nuk do të ëndërronin kurrë në jetë të bënin vrasje në jetën private. Në anën tjetër, nëse ndonjëri prej tyre ia del të më hedhë mua në erë me një bombë të mirë vendosur, ai nuk do të flerë më keq për këtë shkak. Ai po i shërben vendit të tij, që ka fuqinë ta çlirojë atë nga e keqja. Nuk mund të shihet bota moderne siç është në të vërtete, nëse nuk njeh forcën e fuqishme të patriotizmit, besnikërinë kombëtare.

10 Ese

Andej Balte Ketej Ere

Flush, një biografi nga Virginia Woolf 
…botuar fillimisht në vitin 1933, Flush, një biografi u bë libri më popullor i Virginia Woolf gjatë jetës së kësaj shkrimtareje ikonë të Britanisë së Madhe. Autorja u frymëzua nga letrat e dashurisë së poetes britanike të shekullit të nëntëmbëdhjetë Elisabeth Barret Browning, e cila fliste shpesh në letra për qenin e saj, një cocker spaniel, përmes syve të së cilit Woolf pa jetën britanike të kohës së poeteshës Barret – Browning.

Flush, Nje Biografi

Duke rrëfyer historinë dhe ndeshtrashat e një familjeje tradicionalisht tiranase
përgjatë periudhës së para Luftës dhe asaj
socialiste, libri nxjerr në pah rrugicat e
kahershme të Tiranës, zakonet, gatimet,
traditat, kremtet, dukuritë dhe kulturën
e përbashkët të një Tirane tashmë të
humbur në turravrapin zhvillimor, i cili
zhbën shumë nga e kaluara. Një shoqëri
mund të rrëfehet qoftë edhe përmes
breznive të një familjeje të vetme, e
madje, edhe përmes një personazhi të
vetëm që ka jetuar në tri kohë, për të parë
të ngrihet e të ndërrojë një qytet.
I ndërtuar në 10 kapituj, si 10 urdhëresa
të qytetit të vjetër,
“Dekalogu i një lagjeje
tiranase” është një lexim i bukur".

Dekalogu I Nje Lagjeje Tiranase

Vepra “Mbi Edukimin”, shkruar frengjisht nga Faik Konica, botohet per here te pare shqip. Ajo shfaqet jo vetëm tepër origjinale, por tingëllon edhe tepër aktuale. Duke predikuar te fëmija parimin e metodës analitike, për të shkuar nga e panjohura drejt së njohurës falë vëzhgimit dhe kërkimit shkakësor (shkak-pasojë), Konica i jep veprës së tij një karakter të dukshëm shkencor, rreptësisht racional, në kontrast të hapur me metodën psikologjike, e cila shfaqet për të si e shkuar në kohë, tek mbetet brendapërbrenda kuadrit të ngushtë të reflektimit, në një kohë kur vetë motori i lëvizjes së mendimit njerëzor e shoqëror është kërkesa e pandalshme nga shkaku, te shkaku i shkakut, siç shprehet Konica. 
Në konceptin konician, edukimi mbetet kështu shkenca e parimeve më të përgjithshme për zhvillimin e plotë të mendimit, e në radhë të parë të mendimit të fëmijës, për ta mësuar si të veprojë në jetë vetëm pasi të mendojë, të mendojë vetëm pasi të arsyetojë dhe të arsyetojë vetëm në bazë të metodave të përparuara shkencore, përpunuar nga pikëpamja filozofike, pedagogjike e sociologjike.
Arkitekt i mendimit modern shqiptar, Faik Konica mbetet dhe qëndron lart edhe si artizani i parë i sociologjisë shqiptare.

Ese

REALITETI DHE MUNDESIA E LUFTES

GJAKIME KTHIMESH, GJAKIME IKJESH

PERBALLE NJE BOTE E REALITETI SFIDUES

ESE MBI ORIGJINEN E GJUHEVE

ANALFABETJA

QYTETI DHE LETERSIA : ESE

Dante Dhe ne

10 Ese

Andej Balte Ketej Ere

Flush, Nje Biografi

Dekalogu I Nje Lagjeje Tiranase

Ese Mbi Edukimin

REALITETI DHE MUNDESIA E LUFTES

GJAKIME KTHIMESH, GJAKIME IKJESH

PERBALLE NJE BOTE E REALITETI SFIDUES

ESE MBI ORIGJINEN E GJUHEVE

ANALFABETJA

QYTETI DHE LETERSIA : ESE

Dante Dhe ne

10 Ese

Andej Balte Ketej Ere

Flush, Nje Biografi

Dekalogu I Nje Lagjeje Tiranase

Ese Mbi Edukimin