Perpjekja është një mjet i vlefshëm për të gjithë ata që rreken ta kuptojnë më thelle realitetin shqiptar, atë që ndodh përreth nesh, për ata që nuk mjaftohen me “zhurmën” e përditëshme mediatike për formësimin e opinioneve të tyre, për ata që edhe pse nuk kanë përgatitjen e nevojshme akademike, ndjejnë nevojën të formulojnë një interpretim më serioz rreth problematikave bashkëkohore. 
Fryma kritike, në përputhje me parimin e Karl Poperit: “Përmjet ligjërimit mundësohet kritika dhe përmjet kritikës zhvillohet kultura”, mbetet thelbi mëvetësues i revistës Përpjekja. Kjo frymë substanciale, deri dje, ka munguar pothuaj krejtësisht në mendimin historik, sociologjik, letrar dhe kulturor shqiptar në përgjithësi, ndërsa sot artikulimi i saj është në fazë belbëzimi. Qëllimi kryesor i Përpjekjes është nxitja dhe përhapja e kësaj fryme kritike në mënyrë që kultura shqiptare, të ketë fytyrën e saj “kombëtare” në një sfond kozmopolit, të pranojë diversitetin kulturor, të gatitet për shkëmbime me kulturat e tjera, pa paragjykime ideologjike dhe kulturore, e aftë të vetpërtërihet.

Perpjekja 21

Të gjitha lëvizjet natyrore të shpirtit rregullohen nga ligje të ngjashme me ato të rëndesës materiale.Vetëm Hiri përbën përjashtim. Duhet të presim që gjërat të ndodhin sipas ligjit të rëndesës ,me përjashtim të rastit kur ndërhyn e mbinatyrshmja. Rëndesa .Në mënyrë të përgjithshme ajo që presim nga të tjerët përcaktohet nga efektet e rëndesës mbi ne, ajo që marrim përcaktohet nga efektet e rëndesës mbi ata.

Rendesa Dhe Hiri

Meqë e kam të pamundur ta parashikoj ditën se kur do të vdes; meqë, në moshën time, ditët e dhëna për njeriun janë vetëm ditë të falura, ose, më mirë të themi, ditë ndëshkimi, nga frika se mund të zihem gafil, dua ta shpjegoj veten rreth një vepre të destinuar për t’i bishtnuar mërzisë së këtyre orëve të fundit e të braktisura, që askush nuk i dëshiron e më të cilat njeriu nuk di se ç’të bëjë. 
Kujtimet, në krye të të cilave do të lexohet kjo parathënie, përfshijnë dhe do të përfshijnë të gjithë rrjedhën e jetës sime. Janë nisur që nga viti 1811 dhe vazhdojnë deri më këtë ditë.

Unë tregoj tek ajo që është kryer, dhe do të tregoj tek ajo që ende është vetëm një skicë, fëmijëninë time, selitjen, rininë, hyrjen time në ushtri, ardhjen time në Paris, njohjen time me Luigjin XVI, skenat e para të Revolucionit, udhëtimet e mia në Amerikë, kthimin tim në Europë, mërgimin tim në Gjermani dhe Angli, kthimin tim në Francë në kohën e konsullatit, punët dhe veprat e mia gjatë perandorisë, vrapin tim në Jeruzalem, punët dhe veprat e mia gjatë Restauracionit, pra, përfund, historinë e plotë të këtij Restauracioni dhe të rënies së tij.

Kam pasur rastin të takohem me pothuajse të gjithë burrat që, në kohën time, kanë luajtur një rol të madh ose të vogël jashtë ose brenda vendit tim. Duke filluar nga Washingtoni deri te Napoleoni, nga Luigji XVIII deri tek Aleksandri, nga Piu VII deri te Grigori XVI, nga Fox-i, Burke-u, Pitt-i, Sheridan-i, Londonderry, Capo-d’Istrias deri te Malesherbes-a, Mirabeau-i, etj.

Nga Nelsoni, Bolivari, Mehmet Pasha i Egjiptit, deri te Suffren-i, Bougainville-i, Lapeyrouse-i, Moreau-ja, etj. Kam qenë pjesë e një triumvirati që nuk e kishte pasur shokun ndonjëherë: tre poetë interesash dhe kombesh të ndryshme u gjetën, pothuajse njëkohësisht, ministra të punëve të jashtme, unë në Francë, z. Canning në Angli dhe z. Martinez de la Rosa në Spanjë. I kalova njërin pas tjetrit vitet e zbrazta të rinisë sime, vitet e mbushura plot me ngjarje të periudhës republikane, kohën e lavdishme të Bonapartit dhe të mbretërimit të Legjitimitetit.

Kujtime Te Pertejvarrit 1

Një histori e errët dhe e fuqishme, e cila zhvillohet në një Buenos Aires klaustrofobik,që parathotë shumëçka për ngjarjet e trazuara politike që do përjetonte pak vite më vonë ky qytet. Jemi në qytetin e skuadroneve të vdekjes, të torturave; po ashtu, jemi në qytetin e inteligjenciesë radikale, të majtëve radikalë, mes fretërve borgjezë dhe të rinjve të sinqertë e të dhënë pas politikës e filozofisë, mes të cilëve ndodhet autori i këtyre faqeve, i cili jeton me ta, duke vuajtur e duke u zhgënjyer me personazhet e romanit, si të ishin prej mishi e prej gjaku. Ai thur një roman që ushqehet me të gjitha format që mund të marrë fjala: dialogë, faqe ditari, artikuj gazetash, përshkrime ëndrrash, rrëfime të kulluara etj; duke krijuar kësisoj një nga veprat më të rëndësishme të ietërsisë bashkëkohore.

Abadoni Engjelli I Sketerres

Sokol Zekaj ka lindur më 30 gusht 1948 në Koplik, Shkodër. Është autor i shumë vëllimeve poetike, gjithashtu ka shkruar dhe mjaft ese dhe ka bërë përkthime nga poezia franceze dhe italiane. Është autor i romanit "I nëmur dhe i bekuar". Me librin "Vera fantastike" (2003) ka fituar çmimin kombëtar të poezisë "Pena e argjendtë".

Toka Te Pabanuara

Perpjekja 26-27

Perpjekja 24

Ky libër sjell një këndvështrim të ri mbi të shkuarën, duke synuar dekontruktrimin e paradigmave të deritanishme dhe një qasje ndryshme për mënyrën sesi e konstruktojmë historinë: Si e kanë parë periudha të ndryshme përgjatë shekullit të XX epokën e Mesjetës? Metodat, qasja zyrtare e historianëve të viteve 20 dhe kohës së komunizmit për periudhën e errët dhe tezat për një rishikim tjetër: Ky kombinim fazash, perspektivash e rezultatesh përshkon të gjithë librin Shpikja e Mesjetës: Vetja dhe Tjetri në medievistikën shqiptare dhe ndihmon të kuptohen çelësat e leximit të tij.

Shpikja E Mesjetes

Agron TUFA u lind në trevën e Kastriotit (Sohodoll, Dibër) më 1967. Është poet, shkrimtar, eseist, përkthyes dhe studiues i letërsisë. Ka studiuar letërsi shqipe në Universitetin e Tiranës (1991-1994) dhe më pas i thelloi studimet në Institutin e Letërsisë “A.M. Gorki” në Moskë (1994-1999). Kreu studimet pasuniversitare në Institutin për Kultura Europiane (IEK) po në Moskë (1999-2001). Në Shqipëri mbron doktoratën për Teori dhe Filozofi Përkthimi “Mistika e origjinalit”. Doktor i Shkencave filologjike, aktualisht ai është Drejtor i Institutit të Studimeve të Krimeve dhe Pasojave të Komunizmit (ISKK), pedagog në Universitetin “Hëna e plotë, Bedër” dhe lektor i Letërsisë së Huaj të shekullit XX në Fakultetin Filologjik në Tiranë. 
Ka botuar poezi, romane, ese, studime dhe përkthime dhe është nderuar me çmime letrare kombëtare dhe ndërkombëtare. Në 2004 merr çmimin “Penda e Argjendtë” për romanin më të mirë (“Fabula rasa”), ndërsa në 2010 Çmimin Kombëtar të Karrierës për Letërsinë, “Çmimi i Madh”. Në të njëjtin vit fiton çmimin “Rexhai Surroi” për romanin më të mirë të vitit që jepet në Kosovë, me romanin “Tenxherja”. Në nëntor 2016 Agron Tufa u shpall “autori i vitit” nga Panairi Kombëtar i librit, me vëllimin poetik “Kafsha apo fantazma”. Është i përkthyer në disa gjuhë të huaja.

Ndër librat e tij përmendim vëllimet poetike “Aty te portat Skee” (1996), “Rrethinat e Atlantidës” (2002), “Avangardë engjëjsh” (2005), “Fryma mbi ujëra” (2007), “Gjurma në rrjedhë” (2010); “Fragmentet e Gjësë” (2012); “Kafsha apo fantazma” (2016); romanet “Dueli” (1998), “Fabula Rasa” (2005), “Mërkuna e Zezë” (2005), “Tenxherja” (2009), “Gurit të varrit ia rrëfej” (2015) si dhe miniaturat “Thembra e Akcilit” (2009); studimet në vëllimin “Kuja e Mnemozinës” (2011),  esetë me vëllimet “Janusi qinfytyrësh” (2004) dhe “Nga Hiri i të vdekurve” (2014). Ka përkthyer  një mori autorësh nga poezia, proza dhe filologjia ruse e shekullit XX, me klasikë Pushkini, Tjutçjevi, Tolstoi, Çehovi; modrnistë si Zamjatin, Platonov, Nabokov, Mandelshtam, Cvjetajeva, Ahmatova, Pasternak, Majakovski, Esenin, Brodskij, Sjedakova etj. Një tjetër personalitet “Qytetar Nderi” ishte dhe Shefqet Gjana si një tjetër personalitet me vlera dhe kontribut të veçantë në shoqëri dhe për qytetin e Kamzës.

Kuja E Mnemozines

Veprat e Robert Musilit më joshin sot e kësaj dite... dhe prej tij kam mësuar gjënë më të vështirë: Se mund të ndërmerren vepra që do të kërkojnë dekada punë, pa e ditur nëse do t'i përfundojmë, sipërmarrje që duan durim e që kërkojnë këmbëngulje gati çnjerëzore... Musili e kupton se thellësia mund të fshihet vetëm në të vetmin vend ku ajo është e durueshme: në sipërfaqe. Ashtu siç Niçja ka sjellë filozofinë e romanit, Musili ka sjellë romanin e filozofisë. Por ky afrim nuk do të thotë se Musili është më pak romancier se romancierët e tjerë. Po ashtu si Niçja nuk është më pak filozof se filozofët e tjerë. I shkruar në moshën njëzetegjashtë vjeçare, Tërlesi është romani i parë i Musilit. Vetëm pas botimit të tij autori, i cili kishte provuar më parë të merrej me shkenca ekzakte e më pas me filozofi, vendosi t'ia përkushtojë jetën letërsisë. Musili u mor gjithë jetën me shkrimin e një vepre të vetme, Burri pa cilësi, të cilën nuk arriti ta përfundojë e që sot cilësohet si një nga romanet themelore të shekullit XX-të.

Peshtjellimet E Terlesit

Fragment nga libri: Shtegtari Prore mbështetet anë kodrës nata e bardhë, Ku larë në argjend plepi ngrihet, Yje dhe gurë janë. Fjetur përkulet mbi përroin e rrëmbyer urëza, Ndjek djaloshin një shëmbëlltyrë e vdekur, Drapër hëne në humnerë rozë. Larg barinj që thurin lavde. N’gurishte të vjetër Këqyr prej sysh t’kristaltë bretkosa, Zgjohet era e lulëzuar, zëri i zogut të çka jep shpirt Dhe hapat gjelbërojnë lehtë në pyll. Kjo të kujton pemë e kafshë. Shkallë të ngadala myshku; Dhe hëna, Që mbytet rrëzëllimshëm në ujërat e trishtë. Ajo kthehet prapë e shëtit ndanë bregut të gjelbër, lëkundet mbi një gondola të vogël të zezë mes qytetit të rrënuar.

Georg Trakl Poezi

Ndarja më madhore e shoqërisë, ajo që themelon dhe kushtëzon gjithë të tjerat, përfshi pa dyshim edhe ndarjen e punës, është shpërndarja e re vertikale mes bazës dhe majës, është prerja politike mes atyre që zotërojnë forcën, luftarake a fetare qoftë, dhe atyre që i nënshtrohen asaj.

Lista e librave të shtëpisë botuese Pika pa Sipërfaqe

Perpjekja 21

Rendesa Dhe Hiri

Kujtime Te Pertejvarrit 1

Abadoni Engjelli I Sketerres

Toka Te Pabanuara

Perpjekja 26-27

Perpjekja 24

Shpikja E Mesjetes

Kuja E Mnemozines

Peshtjellimet E Terlesit

Georg Trakl Poezi

Shoqeria Kunder Shtetit

Perpjekja 21

Rendesa Dhe Hiri

Kujtime Te Pertejvarrit 1

Abadoni Engjelli I Sketerres

Toka Te Pabanuara

Perpjekja 26-27

Perpjekja 24

Shpikja E Mesjetes

Kuja E Mnemozines

Peshtjellimet E Terlesit

Georg Trakl Poezi

Shoqeria Kunder Shtetit