Metodë për mësimin e shpejtë të gjuhës italiane pa ndihmën e mësuesit. Përmban gramatikën e gjuhës italiane me shpjegime të hollësishme në shqip; tabelat e plota me modelet e zgjedhimeve të foljeve ndihmëse, të rregullta e të parregullta të gjuhës italiane të përkthyera në shqip.

Gjuha Italiane Pa Mesues

Gjeniu I Endrrave (toena)

Gjyshi, bastuni dhe zogu" e shkrimtarit të mirënjohur shkodran Xhahid Bushati i është shtuar serins së botimeve për fëmijë. Poema për fëmijë është redaktuar nga Prof. as. Ikbale Kalaja, ndërsa ilustrimet me ngjyra janë realizuar nga Ledia Kostandini.

Gjyshi Bastuni Edhe Zogu

Në një përmbledhje me tetë tregime, fabula të jetës së përditshme, shqetësimet rinore e adoleshente vinë të stisura me një sens humori, nga Ylljet Aliçka. Tregimi prej nga ka marrë titullin edhe përmbledhja, është një rrëfim i pafajshëm i një dhjetëvjeçari; i atyre djelmoshave dhjetëvjeçarë që i kalonin dikur ditët nëpër oborret dhe sokakët e lagjeve, e që ëndërronin për puthjen e parë. Kurioziteti paraadoleshent për të ndier vibrimet e ëmbla, por që njëkohësisht për të treguar edhe forcën “mashkullore”, e vë personazhin tonë dhe shokët e tij, në situata të sikletshme e plot humor.

Koha E Puthjeve

Kuzhina sot për çdo familje është libër kuzhine i përkthyer, i cili përmban 400 receta mjaft të vlefshme për të gjithë ata që duan dhe adhurojnë gatimin. Në libër recetat janë vendosur në mënyrë të përshkallëzuar, duke filluar që nga antipastat dhe ushqimet e lehta, supat, mënyra e mrekullueshme e gatimit të makaronave italiane, picat, vezët, peshku, mishrat e llojeve të ndryshme, mënyrat e gatimit të bukës, turshitë, salcat, e deri tek ëmbëlsirat, recetat e të cilave në këtë libër. E veçanta e këtij libri është se çdo recetë shoqërohet me figura me ngjyra (1-2) ku duket qartë ajo që është gatuar si dhe përbërësit që duhen për ta gatuar. Librin e karakterizon edhe rregullsia e vendosjes së kapitujve: 400 receta të organizuara në 24 "kapituj", secili i dhënë me të gjitha imtësitë ku ndërthuren aq bukur elementë të kuzhinës italiane, franceze, indiane etj.

Kuzhina Sot Per Cdo Familje

Lavjerrësi i Qytetit” është një vazhdimësi piramidale në krijimtarinë e Zija Çelës. Ky roman është vetvetja nga fillimi deri në fund dhe, i mbushur me përditshmëri, vjen shumë bindës. Truman Kapotit, më shumë se çdo shkrimtari tjetër, i atribuohet koncepti i romanit Fictional Factional Novel. E thënë shqip, atij tipi romani që niset nga një ngjarje e vërtetë dhe që këtë të vërtetë e kthen në trillim artistik. Duket qartë se te “Lavjerrësi” autori bën diametralisht të kundërtën, ai niset nga një trillim dhe na dërgon emocionalisht te faktikja e realitetit. Kësisoj, Zija Çela shkruan atë që në anglisht mund të thuhej Factional Fictional Novel, pra romani i trillimit të faktit të vërtetë. Ndryshe nga librat distopianë, që zakonisht parashikojnë zymtësisht një të ardhme katastrofike, po të shprehem me paradoks, “Lavjerrësi” parashikon të sotmen, domethënë pikërisht atë që ndodh para syve të njerëzisë, por që ajo ngurron ta shohë.

Lavjerresi I Qytetit

Rrëfimet e këtij triptiku nuk vijnë njëri pas tjetrit në mënyrë drejtvizore. Struktura e tij i ngjan asaj të ndërthurjes së serialeve televizive të ndryshme. Për shembull, të hënën jepet episodi i parë i një seriali, të martën jepet episodi i parë i një seriali tjetër, të mërkurën, i një tjetri, e kështu me radhë, të enjten, të premten, të shtunën, të dielën; pastaj, të hënën e javës së dytë jepet episodi i dytë i serialit të parë, të martën jepet episodi i dytë e serialit të dytë... e kështu me radhë gjer në mbarim të javës, dhe në të njëjtën mënyrë gjatë javës që pason... Ose me ndryshim radhe, sikurse në këtë libër, i cili, si çdo triptik, përbëhet nga tri rrëfime, por që ndërpriten nga njëri-tjetri më se një herë.

Triptiku I Magjistareve

“Nëna nuk kishte njeri për t’ia besuar frikën e vet. Një frikë e tillë përbënte në vetvete një akt politik subversiv ndaj regjimit, penalisht të dënueshëm rëndë”. Nëna e Besnik Mustafajt, vjen në roman si një grua e heshtur, e ndrojtur e thjeshtë dhe duarartë. Është një grua e veriut të largët që në fundin e viteve 1950 vihet për herë të parë në një situatë të re- e thirrur nga zyrat e shtetit për një sekret madhor të cilin nuk mund ta ndajë me askënd. Prej asaj kohe ajo i merr zët zyrat, pushtetin, funksionarët dhe njihet me frikën e (pa)arsyeshme të këtyre fuqive që krejt papritur i japin një liri që mund ta keqpërdornin. Ky roman i Besnik Mustafajt është shkruar me kërkesën e saj, ajo ia ka besuar të birit gjithë dhembjet, ndonëse kur ajo vuante ai ishte veçse një kërthi në djep. “Dëmtuar gjatë rrugës. Roman me fund të lumtur sjell megjithatë vetminë e njeriut në shoqëri, prej se gjendet në jetën e tij edhe frika se do të dëmtojë jetët e njerëzve që do”. Libri i botuar nga “Toena” sjell jetën e një gruaje, duke përfaqësuar qindrat si ajo, me frikë për të nesërmen dhe djepin që tundnin.

Demtuar Gjate Rruges

Goditja që i duhet bërë tjetrit nga princi duhet të jetë e tillë, që të mos rrezikohet nga hakmarrja e tij. 
Meqenëse njeriu nuk mund të jetë i pajisur me të gjitha ato (cilësi të mira) dhe as mund t’i përkushtohet atyre për shkak të natyrës njerëzore..., është e nevojshme që princi të jetë aq i matur, sa të dijë t’i shmanget famës së keqe të atyre veseve, që do t’ia nxirrnin duarsh shtetin dhe të shmangë ato vese, në pastë mundësi, që nuk do t’ia nxirrnin duarsh. Por, në qoftë se nuk do të ketë mundësi, le të mos e çajë shumë kokën për to.

Është më mirë që populli ta dojë princin, apo t’ia ketë frikën? Përgjigjja: do të qe më mirë që të ndodhte edhe njëra, edhe tjetra, por pasi është e vështirë të bashkohen të dyja, është shumë më e sigurt për princin që populli t’ia ketë frikën, sesa ta dojë.

Për njerëzit mund të themi përgjithësisht këto: janë mosmirënjohës, të paqëndrueshëm, me dy faqe, tinëzakë, ikës prej rreziqeve, lakmues të fitimit dhe gjersa u bën mirë dhe e kanë larg të keqen, janë të gjithë të tutë, të falin gjakun, pasurinë, jetën e bijtë, por kur afrohet e keqja, e kthejnë fletën.

Njerëzit shtyhen më shumë të dëmtojnë dikë që duhet dashur, sesa një tjetër që të shtie tmerrin, sepse dashuria mbahet nga një lidhkë detyrimi, e cila, meqenëse njerëzit janë të ligj, këputet në rastin më të parë të ndonjë dobie vetjake, por frika mbahet nga tmerri i ndëshkimit që nuk të lëshon kurrë.
Duke u kthyer edhe një herë në të qenët i dashur apo i drashtur, përfundoj se, duke qenë se njerëzit dashurojnë sipas ëndjes së tyre dhe frikësohen sipas ëndjes së princit, një princ i urtë duhet të bazohet mbi çka është e tija e jo mbi çka është e tjetërkujt.

Punë të mëdha kanë bërë vetëm ata princër që nuk ia kanë vënë fort veshin besës dhe që kanë ditur me dredhi t’ua turbullojnë mendjen njerëzve...

Njerëzit janë kaq të thjeshtë dhe kaq tepër u nënshtrohen nevojave të çastit, saqë ai që gënjen, ka për të gjetur përherë njerëz që të gënjejë.

Për ta mbajtur besnik ministrin, princi duhet të mendojë për të, ta nderojë, ta pasurojë, ta lërë të detyruar, ta bëjë pjesëtar në nderime dhe ofiqe, por në atë mënyrë që ai ta kuptojë se s’bën dot pa princin, dhe, që nderimet e tepërta të mos ta bëjnë të dëshirojë nderime të tjera; pasuritë e tepërta të mos e bëjnë të dëshirojë pasuri të tjera dhe ofiqet e shumta ta bëjnë t’ia ketë frikën ndryshimeve.

Princi

Vëllimi poetik “ANDRRA E GJETHE” i poetes Drita Ademi Beqiri, është mbase ndër shembujt tipikë të tezave të redaktorit, poetit të talentuar Primo Shllaku. Placebo 2011 anglisht-shqip në Londër, Poezi të botuara Nga Novum, gjermanisht, Poezi të botuara në Frankfurter Bibliothek , në Frankfurt, Poezi të botuara në antologji gjermane dhe shqipe etj.

Ritmi I Jetes Ne Vargje

Dy histori dashurie të ndërprera verbërisht. Kufoma e braktisur e një të riu. Një inspektor i ndjekjes së krimeve në kërkim të vrasësve. I ndërtuar si ndërthurrje e këtyre linjave, me personazhe të mjediseve nga më të ndryshmet, kryeqytetase dhe periferike, intekeltuale apo mafioze, etj., ky roman i ri i Fatos Kongolit zhytet në realitetin e sotëm shqiptar, ku gjëmat nuk habisin askënd. Pas pesë romaneve të ciklit "Burgjet e kujtesës" (I humburi, Kufoma, Dragoi i Fildishtë, ëndrra e Damokleut dhe Lëkura e Qenit), që e futën autorin në klubin e elitës së veprave shqipe, Kongoli befason përsëri me këtë libër të jashtëzakonshëm. është një roman që mungonte. Lexuesit do të gjejnë shumëçka në faqet e këtij libri tronditës, ngjizur me dhimbje dhe keqardhje për degradimin e pabesueshëm të një shoqërie, që përpiqet dëshpërueshëm të çlirohet nga demonët e saj. Por, a do të arrijë të çlirohet?...

Lista e librave të shtëpisë botuese Toena

Gjuha Italiane Pa Mesues

Gjeniu I Endrrave (toena)

Gjyshi Bastuni Edhe Zogu

Koha E Puthjeve

Kuzhina Sot Per Cdo Familje

Lavjerresi I Qytetit

Triptiku I Magjistareve

Demtuar Gjate Rruges

Princi

Ritmi I Jetes Ne Vargje

Te Porta E Shen Pjetrit

Viti 97

Gjuha Italiane Pa Mesues

Gjeniu I Endrrave (toena)

Gjyshi Bastuni Edhe Zogu

Koha E Puthjeve

Kuzhina Sot Per Cdo Familje

Lavjerresi I Qytetit

Triptiku I Magjistareve

Demtuar Gjate Rruges

Princi

Ritmi I Jetes Ne Vargje

Te Porta E Shen Pjetrit

Viti 97