“Një mister antiutopik oruellian i zbuluar krejt papritur para syve tanë nga një dëshmitar i besueshëm, përmes një optike realiste dhe humaniste. Prof. Kalo e merr lexuesin në labirintet e panjohura të Bllokut për të shpjeguar se si funksionoi diktatura komuniste në Shqipëri dhe cila ishte hierarkia e atij sistemi. Një libër që duhet lexuar nga kushdo.” Fatos Tarifa “Në emër të Ismailit, por dhe timit natyrisht, dua t’ju shpreh kënaqësinë e thellë që jemi duke provuar nga leximi i librit tuaj. Libri është shkruar shumë bukur dhe me shumë kujdes, çka nuk ka qenë e lehtë për një temë kaq delikate.” Miqësisht, Ismail dhe Helena Kadare “Autori i ngjason një gjiganti të fjetur, i cili zgjohet për të na befasuar e impresionuar me stil, informacion, diagnostikim, konsiderata origjinale dhe deduksione polemizuese, sikur gjithë jetën ta ketë kaluar së marri me artin e fjalës e jo me shkrimin e recetave për të zgjatur jetën. Megjithatë, i bindur te vetja se në të dyja rastet i ka shërbyer jetës me të njëjtin pasion. Merreni librin dhe do ta lëshoni vetëm kur ta keni përfunduar...” Luciano Boçi.