Mësuesi Agim Shehu ka lindur në Tiranë më 1930. Shkollën e mesme e mbaroi në qytetin e Durrësit. Ne 1953 mbaroi me korespondence Institutin Pedagogjik 2 vjeçar dhe në 1962, Universitetin e Tiranës, Fakultetin e Shkencave të Natyrës, dega Bio-Kimi. Ka punuar mësues dhe drejtor në shkollat 8-vjeçare, inspektor arsimi në Komitetin Ekzekutiv dhe nga viti 1966, mësues në shkollën e mesme "Naim Frashëri" Durrës. Në vitet 1964-66 ka punuar si pedagog i jashtëm në Institutin 2-vjeçar dhe më pas ka dhënë leksione në lëndën e Darvinizmit në Filialin e Universitetit në Durrës. Gjatë viteve 1970-72 me kërkesën e ISP, ka drejtuar kursin teorik-praktik me mësuesit e kimisë të shkollave të mesme të Republikës. Në vitet 1970-85 ka qenë anëtar komisioni në Institutin e Studimeve Pedagogjike Tiranë, për hartimin e programeve dhe teksteve të kimisë. Gjatë kësaj periudhe ka botuar disa dhjetra libra në fushën e mësimdhënies, ka hartuar programe dhe tekste. Ka mbajtur një seri referatesh profesionale që janë botuar në shtypin profesional dhe të përditshëm të kohës. Për aktivitetin e tij si mësues është dekoruar me Urdhërin e Punës të klasit të III-të, me Medaljen "Naim Frashëri" dhe me titullin e lartë Mësues i Popullit. Edhe sot, ndonëse në moshë madhore dhe në pension vazhdon veprimtarinë e tij në botimin e librave profesionale dhe shkencorë. Disa nga librat e botuar prej tij janë: 1.- Kimia 8, për klasën e 8-të të shkollave 8 vjeçare. 2.- Kimia 1, për klasën e I-rë të shkollave të mesme. 3.- Ushtrime dhe problema, për klasën e 8-të të shkollave 8 vjeçare. 4.- Kimia pas orës së mësmit. 5.- Eksperimente kimie për substancat inorganike. 6.- Eksperimente kimie për substancat organike. 7.- Ushtrime kimie 1, për klasën e I-rë të shkollës së mesme. 8.- Ushtrime kimie 2, për klasën e II-të të shkollës së mesme. 9.- Ushtrime kimie 3, per klasen e III-të të shkollës së mesme. 10.- Ushtrime kimie 4,per klasen e IV-të të shkollës së mesme. 11.- Eksperimente të kimise inorganike (ribotim përmirësuar). 12.- Eksperimente të kimisé organike (ribotim i përmirësuar). 13.- Informacione mbi sëmundjet e prostatës.