Titulli i romanit ,,Dashuria kuantike e Filanit” dhe nëntitulli ,,Nëntë letra elektronike Dardhës” sugjerojnë dy nivele, apo dy aspekte të kësaj ngrehine romanore. Derisa titulli na sugjeron ,,lëndën” apo dashurinë e Filanit, që mbush kapitujt e romanit, nëntitulli sugjeron mënyrën e ndërtimit të strukturës së tij. Megjithatë, ky roman nuk është aq i lehtë për t’u përcaktuar në aspektin tipologjik. Nëntitulli ,,Nëntë letra elektronike Dardhës” na mundëson konstatimin fillestar se kemi të bëjmë me një roman epistolar. Teknika e shkrimit epistolar nuk është as e re e as e panjohur në traditën letrare evropiane e as në atë kombëtare, kuptohet në të gjitha zhanret, por, jemi të bindur se në zhanrin e romanit ka dhënë rezultatet më të mëdha, qoftë kur është aplikuar e kombinuar me teknika tjera, qoftë kur ka mbizotëruar plotësisht.

Romani ,,Dashuria kuantike e Filanit” është roman epistolar i ndërtuar vetëm nga letrat e njërës vetje, ndërsa vetja tjetër, ajo mungesore nuk është vënë në pozicion letërkëmbimi, prandaj pozicioni i saj është statik në aspektin veprues, ndërsa simbolik në aspektin semantik. Kërkesa e autorit të letrave, që vetja mungesore Dardha të jetë më aktive dhe të bëjë vërejtje apo të shpreh mospajtimet e saja eventuale me mendimet e autorit e përforcon një konstatim të tillë.
Për t’i ikur një sterotipie, që mund t’i sjellë forma epistolare e ndërtimit të romanit, Adem Demaçi ka bërë përpjekje ta modernizojë teknikën epistolare, qoftë në aspektin simbolik, qoftë në atë struktural. Letrat e këtij romani nuk dërgohen as me pëllumba e as me njerëz postierë, po përmes postës elektronike, bile edhe tipi i ,,llap-topit” me të cilin shkruhen dhe dërgohen është më i riu. Simbolika e modernizimit të komunikimit është prezente, megjithatë në esencë këto janë efekte stilizuese për të mos thënë dekorative.
Në aspektin strukturor romani ,,Dashuria kuantike e Filanit” është ndërtuar nga nëntë letra, të cilat përbëjnë nëntë kapitujt e këtij romani. Letrat kanë një strukturë heterogjene, përbëhen nga një numër i konsiderueshëm pjesësh, të cilat janë nënkapituj. Kjo formë e organizimit të jashtëm të romanit sipas Volfgang Kaizerit (vepra e tij teorike ,,Arti i gjuhës”) nuk është e parëndësishme, por është e një rëndësie vendimtare për të kuptuarit e strukturës së tërësishme të të ashtuquajturës formë e brendshme, e cila kuptohet në aspektin vlerësues.

Dashuria Kuantike E Filanit

Ngjarjet rridhnin si në një gjëegjëzë që mbyllej me gjak, me mëni të përjetshme, ose me vdekjen e më fatlumit ndër ta, pavarësisht nëse e fshehta gjehej apo jo. Gjahtarët e fatmirësisë, të pushtuar nga një babëzi e cila rëndom emërtohej jetë, besonin se fati i mirë, ose aftësia për të dashur, është ngjyrë, aromë, tingull, send, organ etj dhe mund të shtihet në dorë, mund të shkulet nga qënia e atij që e bart ashtu siç shkulet një lule, një rrënjë apo një dhëmballë. Mbase kjo vinte ngaqë pothuajse askush s’qe i kënaqur me gjërat që kishte. Para pak vitesh, një nga gjahtarët më tha se “në ushtri, që të mund ta haja i qetë gjellën time mjerane, që kurrkush të mos i fuste turinjtë në të, më duhej të pështyja në pjatë. Prandaj jam sot kaq i shëndetshëm”… Autori.

Ne Vend Te Perjetesise

Çfarë nuk qe e mundur të arrihej për vite të tëra me protesta paqësore dhe mosbindje qytetare, u arrit brenda pak muajve me anë të dhunës: Kosova u bë qendra e vëmendjes së mediave, për këtë arsye kriza e saj politikisht nuk mund të lihej pas dore. Provokimet e UÇK-së sollën si rrjedhojë kundër-goditje, të cilat forcat speciale të policisë serbe i kryen duke përdorur dhunë të tepruar. Familje të tëra të dyshuara që kishin lidhje me UÇK-në u shfarosën. 
Pamjet e luftimeve të armatosura, të fshatrave të përpira nga flakët dhe të eksodit të popullsisë civile zgjuan menjëherë kujtimin e dështimit të diplomacisë në Bosnjë dhe Hercgovinë. Shqetësimi se një "luftë e re ballkanike" ishte në prag, u bë përcaktuese në veprimet e aktorëve kryesorë të bashkësisë ndërkombëtare.

Në këtë mënyrë UÇK-ja arriti pikërisht atë qëllim, në të cilin Rugova kishte dështuar: ajo arriti që me anë të dhunës të internacionalizonte krizën e Kosovës, në fillim në rrafshin medial e më pas në atë politik. Vetëm atëherë bashkësia ndërkombëtare u gjne de shtrënguar të merrte masa.

Kthesa E Madhe

Nje Lufte Ndryshe Per Kosoven

Përftyra (fragment) 
Pa flokë. Fytyrë pa rruar për pak javë. Idhull i vajzave të dikurshme. Një çast mendoj nëse do t’u kish pëlqyer kështu. Zhbindem që nuk është ai. Nuk mund ta besoj shterrësinë e shprehësisë, të paktën te sytë e njerëzve të tillë jo. Skena u beson prapë. Më shumë se çdokujt tjetër, dhe pse mund të duken ca të harruar në arenë. Një skeptik me zor e kap këtë. Vetë ata e dinë. Përvijim episodi largohet nga një e çarë plastmasi. Ndoshta perdja e skenës. Pjesë e luajtur natyrshëm. Pa një të metë. Gjeniale! Gati harroj të qesh me këtë të fundit. Kamerieri mes tavolinave, tabaka në duar, në kostumin e bardhë e zi, fjongo të kuqe, flokë xhelatinë shkëlqyer: “Ma ndërro tav­llën” - një zë. Ai i gatshëm.

Përplasje minutash. Ajrftohtë kondensuar në plas­tmasët e lokalit. Tavolina, karrige, njerëz arti, tymra bisedash të kondensuara në koren e trurit. Diku zien një vullkan që nuk do të shpërthejë kurrë. Llavë­brenda: zonjusha-zonjëza.

Kollitem. Gripi ende s’ka kaluar. Por s’ka të bëjë me të ftohtin, as me atë tjetrin. Duhet t’i ketë kaluar të paktën tre semaforë. Heshtja dhe mendimi më kanë futur në dhëmbët e tyre dhe po më mbllaçisin. Më dhembin kockat

- Do të prishet më keq koha, flas. Shohin me habi. -Po më dhembin këmbët. I kam barometra të gjallë.

“- Po prit të kalojë ky shi të paktën”, - një zë.

“- Do të ketë prapë rebelime moti.”

Nuk ma vënë veshin, vazhdojnë bisedën. Ngu­rroj: “Ç’dua këtu?”.

Perftyra

Pjese nga libri : ...Mbremje vone. Ndihem mire, nen driten e ketij qiriri te vogel, mes tavolines mbulese xhamte. Nje akuarel e blerte me te zeze , me do gonxhe te vogla roze e hapur dhe e ndezur . Gjysme e ndricuar, dhoma me fal qetesi . Mbas meje,shtrihet hija ime e madhe sa nje faqe muri . Nje pjese e kokes mbrin hapesiren , afer llambes . Perdet e bardha , nen kete drite te ndrojtur , marrin rrezellitjen e henes . Shiu kendon mbas dritareve , oborrit , cerkave te shtepise . Po shfletoj Geten. Perfytyrimit tim enden dy njerez , sonte : Getja dhe Sartri . I kam shume prane . Ndihem si vogelushe qe doren ia ka shtrenguar gjyshi , ne doren e tij te madhe , te fishkur . Ndjej damaret dhe kockat e tij te forte , ne doren time...

Muranat

Pavaresi Dhe Personalitete

"Baza e të gjitha vlerave të Kosovës së re qëndron në gjakun e derdhur për liri. Ky gjak përbën krenarinë tonë, sepse është themeli i Kosovës së lirë e të pavarur, ai përbën njëkohësiht një detyrim për ndëtimin dhe forcimin e atdheut ashtu siç e ëndërronin dëshmorët, ashtu siç na lanë amanetin e fundit. 
Në saj të këtij gjaku, populli i Kosovës sot jeton i lirë dhe dinjitoz, fëmijët e saj rriten të gëzuar e pa frikën nga terrori barbar. Dëshmorët ua falën lumturinë brezave, por siguruan edhe për veten e tyre lumturinë e amshueshme të shkallës më të përsosur. Mbi themelet e këtij gjaku ne po ndërtojmë shtetin modern e demokratik të Kosovës, atdheun e lirë e të përbashkët të të gjithë qytetarëve të tij të barabartë.

Në saj të këtij gjaku ne sot kemi miq anekënd botës, të cilët jo vetëm e njohën e po e njohin shtetin e pavarur dhe sovran, por edhe po e mbështesin çdo ditë ndërtimin e tij, forcimin e tij, ngritjen e një jete të re më të mirë në Kosovë.".

Guxo Ta Duash Lirine

Levizja Per Republiken E Kosoves

"Demonstrata e vitit 1981 në histori ka hyrë me emra të ndryshëm, si: Pranvera Studentore, ngjarjet e vitit 1981, demonstrata e vitit 1981, Pranvera Shqiptare etj. Është ngjarje e shënuar e kohës sonë, ngjarje që me guxim dhe vendosmëri është bërë nismëtare e një kthese të madhe, e cila pas një kohe, sëbashku me Solidarnostin polak, do të bëhen ngjarje udhërrëfyese në gjithë Evropën Lindore. 
Ngjarje që çuan drejt përfundimit të Luftës së Ftohtë dhe Luftës së Yjeve... A është i rastësishëm ky rol i Lëvizjes Studentore të shqiptarëve të Kosovës?Lëvizja Studentore e vitit 1981 është rezultat i gjithë luftës ilegale (klandestine) çlirimtare të pas Luftës së Dytë Botërore, që në forma të ndryshme zhvilluan shqiptarët e Kosovës. Ishte i madh ndikimi i organizatave që ishin themeluar në vitet '60 dhe '70 të shekullit XX...".

Pranvera E Lirise 81

Odiseu I Bjeshkeve Te Nemuna

"Ky libër, që po botohet me rastin e 20 - vjetorit të sulmit serb të 30 dhejtorit 1991 në familjen e Adem Jasharit në Prekazin e Poshtëm dhe mbrojtjes së sukessshme të Formacionit të Armatosur të Adem Jasharit, është fryt i një pune më shumë se dhejetëvjeçare. 
Ky libër nuk është fryt i një pune të vazhdueshme prej kureshtjes intelektuale, por është fryt i një pune përkushtuese shumëdimensionale, i një pune të vullnetshme të bërë me mendje e zemër, i një pune të lidhur sa ngushtë, do të thosha edhe shpirtërisht, me çdo përvjetor të Adem Legjendarit, të Jasharëve Biblikë, të UÇK - së, të datave të rëndësishme të luftës çlirimtare, të personaliteteve dhe ngjarjeve të tjera të lidhura në mënyrë të pandashme, siç janë mishi dhe thoi, me Ushtrinë Çlirimtare të Kosovës, me Komandantin Legjendar, Adem Jasharit, me familjen e Jasharëve të Prekazit dhe Epopenë e Lavdishme të 5, 6 dhe 7 marsit 1998.".

Lista e librave të shtëpisë botuese Buzuku

Dashuria Kuantike E Filanit

Ne Vend Te Perjetesise

Kthesa E Madhe

Nje Lufte Ndryshe Per Kosoven

Perftyra

Muranat

Pavaresi Dhe Personalitete

Guxo Ta Duash Lirine

Levizja Per Republiken E Kosoves

Pranvera E Lirise 81

Odiseu I Bjeshkeve Te Nemuna

Flijimi Per Lirine

Dashuria Kuantike E Filanit

Ne Vend Te Perjetesise

Kthesa E Madhe

Nje Lufte Ndryshe Per Kosoven

Perftyra

Muranat

Pavaresi Dhe Personalitete

Guxo Ta Duash Lirine

Levizja Per Republiken E Kosoves

Pranvera E Lirise 81

Odiseu I Bjeshkeve Te Nemuna

Flijimi Per Lirine